Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun fevreroe

«Jlom krixchanoetike xchʼunojik ti jaʼ ta skoj Diablo li kʼusitik chopol chkʼot ta pasele. Pe oy jlom ti mu snaʼik kʼuxi vul ta lokʼele xchiʼuk tsjakʼbe sbaik mi jaʼ van la spas li Diose. ¿Kʼusi chanop li voʼote? [Akʼo stakʼ.] Kʼelo avil li kʼusi chal liʼe.» Akʼbo yil kʼusi chal ta slajebal pajina li ta revista Li Jkʼel osil ta toyole, ti jaʼ sventa li 1 yuʼun fevreroe. Koʼol xachanik li baʼyel parafo xchiʼuk li teksto yichʼoj tale. Akʼbo li revistaetike, vaʼun albo ti chasut yan velta sventa chachanik li yan sjakʼobile.

Li Jkʼel osil ta toyole 1 yuʼun fevrero

«Ta jkʼan ta jnaʼkutik kʼusi chanop ta sventa jun vinik ti ichʼbil ta mukʼ yuʼun li buchʼutik xchʼunojik Cristoe, li judioetike xchiʼuk li jmusulmanetike. Taje jaʼ skʼoplal li Moisese. ¿Kʼusi chanopbe skʼoplal kʼalal chavaʼi li biil taje? [Akʼo stakʼ.] Akʼo mi oy kʼusitik muʼyuk lek bat ta pasel yuʼun li Moisese, li Vivliae labal sba kʼuyelan lek chalbe skʼoplal [kʼelo Deuteronomio 34:10-12]. Li revista liʼe chalbe skʼoplal oxib slekil talelal li Moisese xchiʼuk chal kʼuxi xuʼ jchanbetik.»

¡Despertad! Fevrero

«Li avie buyuk xa noʼox xkiltik ti oy krixchanoetik chbatik ta yan lum sventa tsaʼik mas takʼine. Pe, ¿mi ta onoʼox staik xanaʼ? [Akʼo stakʼ.] Ti vaʼ yelan chbatilanik ta yantik lume, jech xa onoʼox ta voʼne. Kʼelo avil kʼusi chal li baʼyel livro ta Vivliae [kʼelo Génesis 46:5, 6]. Li revista liʼe chakʼbe stakʼobil li kʼusitik chichʼ jakʼel liʼe.» Akʼo iluk li sjakʼobiltak ta slajeb li pajina 6.