Junchib slikeb jloʼiltik

Kʼu yelan xuʼ jlikestik chanubtasel ta Vivlia li ta baʼyel sabado yuʼun fevreroe

«Jlom krixchanoetik ti jchiʼinojkutik ta loʼile tsnopik ti jaʼ Skʼop Dios li Vivliae, pe oy yantik xtoke xchʼunojik ti xkoʼolaj la kʼuchaʼal yan livroetike. ¿Kʼusi chanop li voʼote?» Akʼo stakʼ. Mi laje akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun fevreroe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa chachanik li yan sjakʼobile.

Li Jkʼel osil ta toyole 1 yuʼun fevrero

«Skotol krixchanoetik oy ta yoʼontonik ti akʼo xlaj li paskʼopetike, ¿mi mu jechuk? Pe ¿mi ta van xkʼot ta pasel taje? [Akʼo stakʼ.] Kʼelavil li kʼusi yaloj ta melel li Vivliae [kʼelo Salmo 46:9]. Akʼo mi vokol ta chʼunel yaʼeluk pe ep kʼusitik chopolik kʼotanuk ta pasel li ta Baʼyel Mukʼta Paskʼop ta spʼejel Balumile, taje jaʼ svinajeb ti poʼot xa chkʼot ta pasel li kʼusi chal li teksto la jkʼeltike. Li revista liʼe te chalbe smelolal.»

¡Despertad! Fevrero

«Li avie ta jvulaʼanotkutik jlikeluk sventa chkalbekutik skʼoplal li kʼusi mas chil-o svokol li krixchanoetike. Ep krixchanoetik chalik ti toj anil ch-echʼ li kʼakʼale, ta skoj taje mu noʼox xokobik ta spasel skotol li kʼusi tskʼanike. ¿Kʼu yuʼun xanaʼ ti jech ta xkʼot ta pasel taje xchiʼuk mi yuʼun van muʼyuk lek chichʼ tunesel li kʼakʼaletike? [Akʼo stakʼ.] Ep buchʼutik mu snaʼik ti yichʼoj talel lekil tojobtaseletik li Vivlia sventa jnaʼtik lek stunesel li kʼakʼaletike. Li teksto liʼe yichʼoj talel jun tojobtasel sventa jnaʼtik kʼuxi ta tunesel [kʼelo Filipenses 1:10 ta sba vokʼal]. Li revista liʼe chal chantos kʼusitik xuʼ xichʼ pasel sventa lek xichʼ tunesel li kʼakʼaletike.»