Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun agostoe

«Ep buchʼutik snaʼojik ti kuxulutik xa ta slajebal kʼakʼale xchiʼuk ti toj tsots ta ichʼel batel li kuxlejale. ¿Mi kak xa onoʼox yaloj Vivlia xanaʼ li kʼusitik chkʼot ta pasele?» Akʼo stakʼ. Albo ti akʼo skʼel Mateo 24:7, xchiʼuk akʼbo li livro Chchanubtasvane. Chanik li kapitulo 9, ta parafo 6 kʼalal ta 9, xchiʼuk albo smelolal ti jaʼ ta skoj ti oyutik ta slajebal kʼakʼal li kʼusitik chkʼotanuk ta pasel avie. Albo ti chasut yan velta sventa chatakʼbe li sjakʼobil liʼe: «¿Kʼu la yelan li krixchanoetik ta “slajebal cʼacʼale”?», taje te onoʼox chalbe smelolal li ta kapitulo 9.

Li Jkʼel osil ta toyole Julio-septiembre

«Oy jlom krixchanoetike tsnopik ti muʼyuk oyutik ta yoʼonton li Diose xchiʼuk chalik ti mi jaʼuk oy ta yoʼonton li buchʼutik chtunik ta stojolale. Li voʼote, ¿kʼusi chanop ta sventa taje?» Akʼo stakʼ. Kʼelo Isaías 49:15. Akʼbo yil Li Jkʼel osil ta toyole ti jaʼ sventa julio-septiembre ta 2012 xchiʼuk chanik li mantal ta pajina 30 ti xi sbie: «Nopajan ta stojolal Dios: “Li vuʼune muʼyuc bu jchʼayojot o ta coʼnton”». Albo ti chasut yan velta sventa chachanik mas ta sventa taje.

¡Despertad! Agosto

«Ep krixchanoetik li avie chiʼik kʼalal stuk chlokʼ ta snaike, mas to kʼalal ikʼ xa osile. ¿Mi oy van kʼusi stakʼ pasel xanaʼ sventa xchʼay li kʼusitik xibalik sbae? [Akʼo stakʼ.] Li jun revista liʼe chalbe skʼoplal kʼusi xuʼ jpastik ta jujuntal sventa junuk noʼox koʼontontik. Jech xtok, chal kʼuxi chkʼot ta pasel li albilkʼop liʼe [kʼelo Salmo 72:7].»