Jchabi li jol koʼontontike
1. ¿Kʼusi sbi li mukʼta tsobajel ta jun kʼakʼal ti chlik ta septiembre yuʼun 2012, xchiʼuk kʼuxi tskoltautik?
1 Skotol kʼakʼal oy kʼusi ta jnuptantik ti chakʼ ta preva li jol koʼontontike. Li mukʼta tsobajel ta jun kʼakʼal ti chlik ta septiembre yuʼun 2012 kʼalal ta agosto yuʼun 2013, jaʼ sbi: «Jchabi li jol koʼontontike» (1 Tim. 1:19). Li mukʼta tsobajele chapanbil sventa skoltautik snopel lek ti kʼuyelan ta jtunestik li matanal yakʼojbutik li Jpasvanej kuʼuntike.
2. ¿Kʼusitik chichʼ takʼel li ta mukʼta tsobajele?
2 Li kʼusitik chichʼ takʼel tee. Li ta mukʼta tsobajele chichʼ takʼel vukub sjakʼobiltak ta sventa li jol koʼontontike:
• ¿Kʼusitik xuʼ sokes li jol koʼontontike?
• ¿Kʼusitik tskoltautik sventa jchanubtas li jol koʼontontike?
• ¿Kʼuxi xuʼ mu xkom ta jbatik mi oy buchʼu chʼayel bate?
• ¿Kʼusi chkakʼtik ta ilel kʼalal ta jnoptik ta sventa li beiltaseletik ta Vivliae xchiʼuk ti tsbeiltasutik kʼalal oy kʼusitik ta jpastike?
• ¿Kʼusitik xuʼ jpastik sventa mu jyayijesbetik sjol yoʼonton li yantike?
• ¿Kʼusitik xuʼ spasik sventa tukʼ-o yoʼontonik kʼalal tsnuptan prevaetik li kerem tsebetike?
• ¿Kʼusitik sbalil xuʼ staik kʼalal chchʼunik kʼusi chal sjol yoʼontonik ti lek chanubtasbil ta Vivliae?
3. ¿Kʼuxi xuʼ jtabetik lek sbalil li mukʼta tsobajel ta jun kʼakʼale?
3 Manchuk mi chakʼ tajek persa tsokes jol koʼontontik li Satanase, li Jeovae jaʼ tskoltautik sventa xkuch kuʼuntik. Ta sventa taje, li jkʼanvanej Totil kuʼuntike tstunes Skʼop xchiʼuk s-organisasion sventa xi chalbutike: «Liʼ xabatique, jaʼ liʼ li lequil bee» (Is. 30:21). Jtos ti kʼuyelan tsbeiltasutik li Jeovae, jaʼ li kʼusitik ch-echʼ ta mukʼta tsobajel ta jun kʼakʼale. Jaʼ yuʼun, akʼo persa sventa xabat sjunul kʼakʼal li ta mukʼta tsobajele. Tsʼetano lek achikin xchiʼuk nopo kʼuxi xuʼ xavakʼ ta akuxlejal li mantal ch-echʼe. Jech xtok, chaʼalik xchiʼuk avutsʼ avalal li kʼusi la achanike. Sventa lekuk noʼox li jol koʼontontik xchiʼuk ti stsal kuʼuntik li kʼusi chakʼ sbalumil Satanás ti xuʼ sokesutike skʼan xkakʼ ta jkuxlejaltik li tojobtaseletik chakʼ Diose (1 Ped. 3:16).