Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun agostoe

«Jutuk mu jkotoltikuk ti oy onoʼox ta jpastik orasione. Kʼalal oy svokolik li buchʼutik mu xchʼunik mi oy Diose tspasik orasion ek. ¿Mi chchikinta skotol orasionetik xanaʼ li Diose?» Akʼo stakʼ. Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun agostoe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.

Pʼijan me: Li ta tsobajel sventa cholmantal ta 3 yuʼun agostoe, skʼan me xjelav junuk skʼelobil cholmantal ti jaʼ chichʼ tunesel li slikeb loʼil liʼe.

Li Jkʼel osil ta toyole 1 yuʼun agosto

«Yakal chivulaʼajkutik jlikel sventa xkalbekutik skʼoplal jtos kʼusi ti ta jvul-o koʼontontike, jaʼ ti yantik x-epaj tajek li skʼelel pornografiae. Akʼo mi jech, oy yantike tsnopik ti mu chopoluk li skʼelel pornografiae, jaʼ noʼox la xchʼayobil yoʼontonik. ¿Kʼusi chanop li voʼote? [Akʼo stakʼ.] Li Jesuse laj yal ti lek kʼusi chakʼ kʼotuk ta pasel mi lek kʼusi chichʼ pasele [kʼelo Mateo 7:17]. Li jun revista liʼe chakʼ ta ilel kʼusi chkʼot ta pasel kʼalal chichʼ kʼelel li pornografiae. Jech xtok, chal kʼusi xuʼ xichʼ pasel sventa xkom skʼelele.»

¡Despertad! Agosto

«Jutuk mu jkotoltikuk ta jkʼan ti jal tajek chijkuxie. ¿Mi xuʼ van xijkuxi ta sbatel osil yuʼun xanaʼ li kʼusitik tspasik ta sventa siensiae? [Akʼo stakʼ.] Kʼelo kʼusi chal liʼe ti labal sba chkʼot ta pasele [kʼelo 1 Corintios 15:26]. Taje jaʼ chakʼ kʼotuk ta pasel li Diose. ¿Mi jaʼ van tstunes li siensiae o mi oy van kʼusi yan tstunes sventa chkʼot ta pasel taje? Jech xtok, ¿kʼu yuʼun ti chijmalub xchiʼuk chijchame? Li revista liʼe chakʼ ta ilel stakʼobil ta Vivlia li kʼusitik chichʼ jakʼele.»