¿Kʼusi xuʼ jpastik kʼalal jaʼo skʼakʼalil chkuxik ta yabtelik li krixchanoetike?

Ta skoj ti te oy ta snaik kʼalal chkuxik ta yabtelik li krixchanoetike jaʼo lek yorail sventa jcholtik mantal. Ta xichʼ tijbel yoʼonton ermanoetik sventa xchapanbeik yorail cholmantal li kʼakʼaletik taje. Ep krixchanoetik ti bu ta jcholtik mantale yikʼaluk van mu toj sobuk ta xlikik, jaʼ yuʼun lek ti jkʼeltik jayib ora chijlokʼ ta cholmantale. Xuʼ van chichʼ alel jun aʼyej ta Tsobajel sventa Tunelal yoʼ xaʼiik li ermanoetik ti chapanbil yorail cholmantal li vaʼ kʼakʼale xchiʼuk ta xichʼ tijbel yoʼontonik li buchʼutik xuʼ yuʼunike. Melel onoʼox, kʼalal chkuxik ta yabtelik li krixchanoetike jaʼo yorail sventa jkuxtik jutuk o jpastik li kʼusi jnopoj ta jpastik ti kuʼun jtuktike. Akʼo mi jech, ¿kʼu yuʼun mu xachʼakbe yorail ti xalokʼ jlikeluk ta cholmantale? Mi jech chapase, chamuyubaj chatun ta stojolal li Jeovae (Mat. 11:29, 30).