Koltaik sventa «acʼo lec [snakleb] [...] li xchʼunojel [yoʼontonike]»

Toj labal sba ti kʼu yelan yakal chakʼbe bendision Jeova kʼalal yantik xa ch-epaj li yajtuneltake. Jujun jabil ta xichʼik voʼ mas ta 250,000 krixchanoetik (Deut. 28:2). Kʼalal laj xaʼox skolta sventa xichʼ voʼ li buchʼu chakʼbe chanubtasel li jcholmantale, li kʼusi nopem onoʼox xaʼiik li jcholmantaletike jaʼ ti xiktaik yakʼbel chanubtasele, yuʼun jaʼ xa chakʼ ta yoʼontonik skoltael li yantike. Li jchanun eke xuʼ van tskʼan chikta li chanubtasel ta xichʼe sventa oyuk mas yorail yuʼun ta sventa li cholmantale. Akʼo mi jech, toj tsots skʼoplal ti snaʼuk lek ta sventa li kʼusitik melel li jun jchanune. Yuʼun li jchanunetike skʼan lek yibelik ta stojolal Cristo xchiʼuk «acʼo lec [snakleb] [...] li xchʼunojel [yoʼontonike]» (Col. 2:6, 7; 2 Tim. 3:12). Jaʼ yuʼun, kʼalal mi laj xaʼox yichʼ voʼ li buchʼu chchan Vivliae, skʼan to me xichʼ chanubtasel, jaʼ to chichʼ iktael mi laj xaʼox xchan li livro Chchanubtasvane xchiʼuk li livro «Scʼuxul yoʼnton ti Diose». (Kʼelo Kabteltik sventa Dios yuʼun avril ta 2011, ta pajina 2.)