Junchib slikeb jloʼiltik

Li Jkʼel osil ta toyole 1 yuʼun julio

«Skotol li kʼusitik ta jnuptan ta jkuxlejaltik avie chakʼ vul oʼonton. Jaʼ yuʼun, ¿kʼusi chanop ta sventa li tojobtasel laj yal komel Jesus liʼe? [Kʼelo Mateo 6:25, akʼo stakʼ.] Li revista liʼe chal kʼuxi xuʼ skoltautik li Vivlia sventa jtsaltik li kʼusi ta jvul-o koʼontontike.»

Lekil aʼyejetik yakʼoj Dios

«Ep buchʼutik tspasik orasion, mas to kʼalal oy svokolike. ¿Mi oy xapas orasion ek? [Akʼo stakʼ.] ¿Mi ta van xaʼi skotol orasionetik li Dios xanaʼe o mi oy van jlom ti mu lekuk chile? [Akʼo stakʼ.] Kichʼoj tal jun foyeto ti chakʼ kiltik stakʼobil ta Vivlia li kʼusi chichʼ jakʼel taje. [Akʼbo li foyetoe, vaʼun chanik li baʼyel parafo ta xchanobil 12 xchiʼuk li tekstoetik ti bu «kʼelo» xie.] Ti chalbutik Dios ti xuʼ xijnopaj ta stojolale xijmuyubaj yuʼun; pe baʼyel skʼan xkojtikintik lek sventa jkʼupintik taje. [Saʼo li xchanobil 2, vaʼun akʼbo yil li yuni bitak ti bonbil ta ikʼe.] Mi chakʼane xuʼ xkiktabot li foyetoe xchiʼuk xuʼ xital ta yan velta sventa jtabetik stakʼobil ta Vivlia li sjakʼobiltak ti tsotsik skʼoplale.»