Sventa lekuk xkil jbatik xchiʼuk li Jeovae, skʼan xkichʼbetik ta mukʼ li Xnichʼone, ti jaʼ li Jesuse

Albil xa onoʼox skʼoplal ti chichʼ pʼajel Jeova xchiʼuk li Jesuse

2:1-3

• Laj xa onoʼox yichʼ alel ti muʼyuk sbalil chilbeik yabtel Jesus li jteklumetike, yuʼun chalik ti jaʼ noʼox xuʼ x-ajvalilaj stukike.

• Li albil kʼop taje kʼot ta pasel li ta skʼakʼalil Jesuse xchiʼuk mas to jech yakal chkʼot ta pasel li avie.

• Li jtsʼibajom yuʼun Salmoe chal ti lumetike ta mukul tsnopik li kʼusi muʼyuk stue. Liʼe jaʼ skʼan xal ti muʼyuk bu tspas yuʼunik li kʼusi chchapanike xchiʼuk ti muʼyuk lek chkʼot ta pasele.

Jaʼ noʼox li buchʼutik chichʼik ta mukʼ li Ajvalil stʼujoj Jeovae xuʼ sta xkuxlejalik

2:8-12

• Skotol li buchʼutik tskontrainik li Ajvalil Mesiase, chichʼik lajesel.

• Li buchʼutik chichʼik ta mukʼ li Nichʼonile, li Jesuse, tstaik chabiel xchiʼuk lekilal.