KʼUSITIK KʼUPIL SBA TA VIVLIA | SALMOS 52-59
«Acʼbo sventain Mucʼul Dios scotol li avocole»
Li Davide ep la snuptan vokoliletik ti kʼu sjalil kuxie. Kalbetik batel skʼoplal jaytosuk li kʼusitik la snuptan kʼalal jaʼo la stsʼiba li Salmo 55.
Chopol kʼoptael
Kontrainel
Chopol chaʼi sba
Vokolil ta yutsʼ yalal
Chameletik
Loʼlael
Kʼalal tsots tajek laj yil svokol ti mu xa tsʼikbaj yileluke, li Davide kuch batel yuʼun. Xi akʼbat snaʼ yuʼun Dios li David ta sventa li buchʼutik jech tsots chil svokolike: «Acʼbo sventain Mucʼul Dios scotol li avocole».
¿Kʼuxi xuʼ xkakʼ ta jkuxlejaltik li versikulo liʼe?
Jkʼanbetik koltael Jeova ta orasion, kalbetik skotol li kʼusitik oy ta koʼontontike, li jvokoltike xchiʼuk li kʼusitik ta jvul-o koʼontontike.
Jsaʼtik li beiltasel chakʼbutik li Skʼop Diose xchiʼuk li koltael chakʼ s-organisasione.
Jpastik ti bu kʼalal xuʼ kuʼuntike, pe skʼan me jaʼuk jchʼuntik li beiltaseletik ta Vivliae.