KʼUSITIK KʼUPIL SBA TA VIVLIA | PROVERBIOS 12-16
Jaʼ mas tsots skʼoplal li pʼijilale jaʼ mu sta li oroe
¿Kʼu yuʼun toj ep sbalil li pʼijilal chakʼ Jeovae? Yuʼun li buchʼu oy yuʼune chchabiat yoʼ mu xbat ta chopol be xchiʼuk sventa kuxul chkom. Chvinaj ti chjelbat stalelal, skʼopojel xchiʼuk li kʼusitik tspase.
Li pʼijilale tskoltautik sventa mu jtoy jbatik
Li pʼijil krixchanoe snaʼoj ti chlik talel ta stojolal Jeova li pʼijilale.
Li buchʼutik lek kʼusi tsta ta xkuxlejale o ti mi oy kʼusi ch-akʼbat sbaine skʼan me skʼel sbaik ti mu xlik stoy sbaik o ti tsots xa skʼoplal chaʼi sbaike.
Li pʼijilale tskoltautik sventa lekuk li jkʼopojeltike
Li pʼijil krixchanoe lek snaʼ snopel, jaʼ tskʼelbe li slekil talelal li yantike xchiʼuk lek chkʼopoj ta stojolalik.
Li pʼijil krixchanoe mu toj kʼuxik li skʼopojele, moʼoj, yuʼun lek li skʼopojele jech kʼuchaʼal pom ti lek chiʼe xchiʼuk melelik li kʼusi chale.