1-7 yuʼun enero

• Kʼejoj sn 30 xchiʼuk orasion

• Slikeb tsobajel (3 min. o mu sta)

KʼUSITIK KʼUPIL SBA TA VIVLIA

• «Nopajem xa tal li Ajvalilal ta vinajele» (10 min.)

  • [Akʼo ta ilel li video Yaʼyejal slivroal Mateo].

  • Mt 3:1, 2. Li Juan J-akʼ-ichʼvoʼe laj yal ti jutuk xa skʼan xtal li buchʼu ch-ajvalilaj li ta Ajvalilal ta vinajele (nwtstya li bu chalbe mas smelolal li Mt 3:1, 2: «Yakal chchol mantal», «Ajvalilal», «Ajvalil ta vinajel», «Nopajem xa tal»).

  • Mt 3:4. Li Juan J-akʼ-ichʼvoʼe lek noʼox sba li xkuxlejale xchiʼuk jaʼ yakʼoj ta yoʼonton spasel li kʼusi tskʼan Diose (nwtsty lokʼoletik sventa Mt 3:4: «Skʼuʼ spokʼ xchiʼuk spat xokon li Juan J-akʼ-ichʼvoʼe», «Kʼulub», «Teʼtikal pom»).

• Jsaʼtik lek li kʼusitik kʼupil sba ta Vivliae (8 min.)

  • Mt 1:3. Li Mateoe, ¿kʼu yuʼun ti la stikʼbe skʼoplal voʼob antsetik li ta snitilulal Jesus ti jaʼ noʼox mas viniketik chalbe skʼoplale? (nwtsty li bu chalbe mas smelolal li Mt 1:3: «Tamar»).

  • Mt 3:11. ¿Kʼu yuʼun skʼan xkichʼtik mukel junultik kʼalal chkichʼtik voʼe? (nwtsty li bu chalbe mas smelolal li Mt 3:11: «Chkakʼ avichʼik voʼ»).

  • ¿Kʼusi chchanubtasot ta sventa Jeova li xchanel Vivlia avi xemanae?

  • ¿Kʼusitik yan kʼupilik sba laj ata li ta xchanel Vivlia avi xemanae?

• Skʼelel Vivlia (4 min. o mu sta): Mt 1:1-17.

TOJOBKUTIK MAS TA SPASEL LI KABTELTIKE

• Svideoal ta sventa li sba velta ta jchiʼintik ta loʼile (4 min.): Akʼo ta ilel li videoe xchiʼuk albo smelolal.

• Sba velta revisita (3 min. o mu sta): Kʼelo li bu chal: «Kʼuxi xuʼ jlikes jloʼiltik».

• Yakʼel estudio (6 min. o mu sta): bh paj. 39 par. 6, 7.

LI JKUXLEJALTIKE

• Kʼejoj sn 10

• Yaʼyejal abtelal ta jujun jabil (15 min.): Mantal ti jaʼ tsjelubtas jun mol ta tsobobbaile. Mi laj yichʼ chanel li karta talem ta Betel ta sventa li yaʼyejal abtelal ta jujun jabile, akʼo yichʼ jakʼbel sloʼil junantik jchol mantaletik ti baʼyel xa onoʼox albilike, ti oy kʼusi lek kʼot ta pasel yuʼunik li echʼ jabile.

• Xchanel Vivlia ta tsobobbail (30 min.): jy kap. 2.

• Li kʼusi la jchantik avie xchiʼuk li kʼusi ta jchantik ta yan xemanae (3 min.)

• Kʼejoj sn 3 xchiʼuk orasion