Tstsatsubtas xchʼunel koʼontontik li kʼusi laj yakʼ ta ilel Diose

9:1-7

Nopo noʼox avaʼi kʼu yelan laj yaʼi sba Jesus kʼalal albat ti lek kʼanbil yuʼun li Stot ta vinajele. Taje jaʼ koltaat-o sventa xkuch yuʼun skotol li vokoliletik la snuptane. Xchiʼuk toj labal sba laj yaʼiik li Pedro, Santiago xchiʼuk Juan li kʼusi laj yilike, yuʼun jaʼ koltaatik-o ta xchʼunel ti jaʼ Mesias li Jesuse xchiʼuk xmuyubajik ti jaʼik yajtsʼaklomtake. Kʼalal echʼem xa ox van 32 jabile, vul to ta sjol Pedro ti jaʼ tsatsubtasbat-o xchʼunel yoʼonton ta sventa «li albil [kʼop]» yaloj Diose (2Pe 1:16-19).

Akʼo mi muʼyuk laj kiltik li kʼusi yan sba yutsil laj yakʼ ta ilel Diose, yakal xa chkiltik ti chkʼotanuk ta pasele. Li Jesus avie, jaʼ xa jun Ajvalil ti oy sjuʼele. Poʼot xa xkuch yuʼun li paskʼop akʼbil sbaine, vaʼun chakʼ jun lekil achʼ balumil (Ap 6:2).

¿Kʼuxi stsatsubtasojbot xchʼunel avoʼonton ti chavil chkʼotanuk ta pasel li albil kʼopetike?