Li Jesuse cham ta stojolal li kermanotaktik eke

Li Jesuse laj yakʼ xkuxlejal ta stojolal li jpasmulil krixchanoetike (Ro 5:8). Jkotoltik ta jtojtik ta vokol ti jech laj yakʼbutik ta ilel ti skʼanojutike. Akʼo mi jech, skʼan me mu xchʼay ta joltik ti laj yakʼ xkuxlejal ta stojolal li kermanotaktik eke. Jkʼeltik batel oxtosuk ti kʼu yelan xuʼ xkakʼtik ta ilel ti jkʼanoj li kermanotaktik jech kʼuchaʼal kʼanbilik yuʼun li Jesuse. Li baʼyele, skʼan lekuk xkil jbatik xchiʼuk li buchʼutik jelel kʼusi snuptanoj ta xkuxlejalik kʼuchaʼal voʼotike (Ro 15:7; 2Ko 6:12, 13). Li xchibale, skʼan jkʼeltik lek ti mu xkaltik o jpastik li kʼusi kʼux chaʼi yantike (Ro 14:13-15). Li yoxibale, skʼan xkakʼbetik noʼox perton li buchʼu oy kʼusi kʼux la spasbutike (Lu 17:3, 4; 23:34). Mi chkakʼtik persa ti jechuk jtalelaltik kʼuchaʼal li Jesuse, li Jeovae ta me xakʼ jun oʼontonal xchiʼuk jmoj noʼox oyutik li ta tsobobbaile.

MI LAJ AKʼELIK LI VIDEO ¡MASUK TO KʼUPIL SBA JTALELALTIK!, TAKʼIK LI SJAKʼOBILTAK LIʼE:

• 

  ¿Kʼu toʼox yelan chil stsobobbail ta slikebal li Mikie?

• 

  ¿Kʼu yuʼun jel li snopbene?

• 

  Li Mikie, ¿kʼuxi koltaat yuʼun stalelal Jesus sventa sjel li kʼusi tsnope? (Mr 14:38).

• 

  ¿Kʼuxi xuʼ skoltautik li kʼusi chal Proverbios 19:11 sventa mu chopoluk xkiltik li kermanotaktike?