Jchanbetik li Josee, jatavkutik ta stojolal li mulivajele

Lek laj yakʼ kiltik Jose ti kʼusi skʼan jpastik mi chkichʼtik loʼlael ta sventa mulivajele. Yuʼun jpʼel ta yoʼonton la spʼaj kʼalal chloʼlaat yuʼun li yajnil Potifare (Je 39:7-10). Xi tstakʼbee: «¿Kʼuxi xa noʼox ti ta jpas li tsatsal mulile xchiʼuk ti jsaʼ jmul ta melel ta stojolal li Diose?». Taje chakʼ ta ilel ti laj xa onoʼox snopbe skʼoplal ti kʼu yelan chil Jeova ti skʼan tukʼ xakʼ sbaik ta stojolal snup xchiʼilik li buchʼutik nupunemike. Jech oxal, kʼalal laj yichʼ loʼlaele, jatav batel ta anil xchiʼuk muʼyuk te la xchikinta li kʼusi albate (Je 39:12; 1Ko 6:18).

MI LA AKʼELIK LI VIDEO ¡JATAVAN TA STOJOLAL LI MULIVAJELE!, TAKʼIK LI SJAKʼOBILTAK LIʼE:

• 

  ¿Kʼusi la snuptan li Jine?

• 

  ¿Kʼusi la sjakʼbe sba Jin kʼalal kʼanbat vokol yuʼun Mee-Kyong ta sventa matematikae?

• ¿Kʼu yelan chaʼi sba ta skoj ti kʼu yelan chkʼoponat yuʼun li Mee-Kyonge?

• 

  ¿Bu la saʼ koltael li kereme?

• 

  ¿Kʼusi la spas sventa xjatav li ta mulivajele?

• ¿Kʼusi chakʼ jchantik li videoe?