Oyuk me sbalil xkiltik ti kʼu yelan xkil jbatik xchiʼuk li Jeovae

Li stestigoutik Jeova ti kakʼoj jkuxlejaltik xchiʼuk ti kichʼojtik voʼe jtaojtik jun mukʼta matanal: jaʼ ti xuʼ lek xkil jbatik xchiʼuk li Jeova ti jaʼ Mukʼul Jpasmantale. Li Diose la stunes Xnichʼon sventa xijnopaj ta stojolal xchiʼuk chaʼi li j-orasiontike (Sl 34:15; Jn 6:44).

¿Kʼusi xuʼ jpastik sventa lekuk-o xkil jbatik xchiʼuk li Diose? Jaʼ ti mu jpastik li kʼusitik chopol la spasik li j-israeletike. Kʼalal mu to jaluk yechʼel la spasik jun trato xchiʼuk Jeova li j-israeletike, la spasik jkot chʼiom tot vakax ti pasbil ta oroe, vaʼun laj yichʼik ta mukʼ (Eks 32:7, 8; 1Ko 10:7, 11, 14). Xi jakʼbe jbatike: «¿Kʼusi ta jpas mi laj kichʼ akʼel ta prevae? Li kʼusitik ta jpase, ¿mi chakʼ ta ilel ti tsots skʼoplal chkil ti lek xkil jba xchiʼuk li Jeovae?». Mi jkʼanoj ta sjunul koʼontontik li Jtotik ta vinajele, jaʼ me tstij koʼontontik ti mu jpastik li kʼusitik muʼyuk lek chile (Sl 97:10).

MI LA AK’ELIK LI VIDEO MU ME JSOKESTIK TI KʼU YELAN XKIL JBATIK XCHIʼUK JEOVAE (KOL 3:5), TAK’IK LI SJAK’OBILTAK LI’E:

• ¿Kʼusi jaʼ li pichʼ oʼontonale?

• ¿Kʼu yuʼun skʼan jpʼajtik li pichʼ oʼontonale xchiʼuk li yichʼel ta mukʼ santoetike?

• ¿Kʼuxi xkoʼolaj-o li mukul satiele xchiʼuk li yichʼel ta mukʼ santoetike?

• ¿Kʼu yuʼun skʼan mu xchʼay xaʼiik yakʼbel kʼusitik chtun yuʼun snup xchiʼilik li buchʼutik oy yabtelik ta tsobobbaile?