LI JKUXLEJALTIKE
Kerem tseb, ¿mi jaʼ alekil amigo li Jeovae?
¿Kʼu yelan stalelal chakʼan li avamigoe? Ta van xakʼan ti tukʼuk yoʼontone, ti lekuk yoʼontone xchiʼuk ti snaʼuk xakʼ li kʼusi oy yuʼune. Taje jaʼ jech stalelal li Jeovae (Eks 34:6; Ech 14:17). Chaʼi kʼalal chakʼopone xchiʼuk tskoltaot mi jaʼo chakʼan koltaele (Sl 18:19, 35). Jech xtok, chakʼot ta perton mi la asaʼ amule (1Jn 1:9). ¡Jaʼ lekil amigoil li Jeovae!
¿Kʼuxi xuʼ xakʼot ta yamigo li Jeovae? Te chavojtikin mi la achan li Vivliae xchiʼuk pato avoʼonton ta stojolal (Sl 62:8; 142:2). Akʼbo ta ilel ti tsots skʼoplal chavil li kʼusitik tsots skʼoplal chile, jech kʼuchaʼal li Xnichʼone, li Ajvalilal yuʼune xchiʼuk li kʼusitik yaloj tspas ta jelavele. Albo batel skʼoplal li Jeovae (Dt 32:3). Mi kʼot ta alekil amigo li Jeovae, xuʼ me skoltaot ta sbatel osil (Sl 73:25, 26, 28).
MI LA AK’ELIK LI VIDEO KEREM TSEBETIK: «KʼELAVILIK, PASIK PREVA AVAʼYIK, TOJ LEK LI MUKʼUL DIOSE», TAK’IK LI SJAK’OBILTAK LI’E:
¿Kʼuxi xuʼ xachapan aba sventa xavakʼbe akuxlejal Jeova xchiʼuk ti xavichʼ voʼe?
¿Kʼuxi xuʼ xa skoltaik li ermanoetik ta tsobobbail sventa masuk lek xatun ta stojolal Jeovae?
¿Kʼu yuʼun mas lek chavil aba xchiʼuk Jeova kʼalal chacholmantale?
Xuʼ me xakʼot ta yamigo Jeova ta sbatel osil.
¿Kʼusitik xuʼ xapas sventa mas xatun ta stojolal li Jeovae?
¿Kʼusi ti mas chakʼupin ta stojolal li Jeovae?