Jtunestik-o me li revistaetike

Ti kʼuxi lik lokʼuk talel li revista sventa skotol krixchanoetik ta sjabilal 2018, jun noʼox chalbe sloʼilal sliklej li revistae. Skotol li revistaetik taje te xa me tsakal skʼoplal li ta abtejebaletik sventa xijchanubtasvane, jaʼ yuʼun xuʼ jtunestik li ta cholmantale. Jech xtok, xuʼ me xkichʼtik batel jaylikuk kʼalal chijbat ta manolajel o kʼalaluk oy bu nom chijbatutik ta xanbale. Li revistaetike maʼuk me sventa xkakʼtik-o estudio, pe xuʼ me xtijbat-o yoʼonton li krixchanoetik sventa xojtikinik mas li Diose.

Kʼalal chachiʼin ta loʼil junuk krixchanoe, kʼelbo junuk teksto ta Vivlia xchiʼuk albo skʼoplal junuk revista ti xuʼ xkʼot ta yoʼontone. Jech kʼuchaʼal liʼe, mi oy yutsʼ yalal li krixchanoe, mi tsvul yoʼonton o mi sujom noʼox tajeke xuʼ xi xavalbee: «Jaʼtik toe la jkʼel jun mantal ti jaʼ chalbe skʼoplal taje. Mi chakʼane xuʼ xkakʼbot avil». Mi oy ta yoʼonton li krixchanoe, xuʼ xavakʼbe komel jlikuk revista o xuʼ xatakbe batel. Taje xuʼ me jech xapas kʼalal mi la achiʼin ta loʼil ta sba veltae. Akʼo mi maʼuk onoʼox sventa xbat jpuktik li vunetike, li revistaetike xuʼ onoʼox skoltautik ta stael li krixchanoetik ti tskʼan chchʼunbeik smantal li Diose (Ech 13:48).

2018

2019

2020