Chabio li anupunele

Li Jeovae chʼul chil li nupunele xchiʼuk tskʼan ti jmojuk-o oyik li nupultsʼakaletike (Mt 19:5, 6). Li ta steklumal Jeovae oy ep nupultsʼakaletik ti xmuyubajik noʼoxe, pe oy onoʼox kʼusi chlik-o kʼop yuʼunik. Pe maʼuk te chchapaj-o skʼopik mi la xchʼak sbaik o mi la xtuchʼ snupunelike. ¿Kʼuxi xuʼ xchabi snupunel li jun yajtunel Jeovae?

Jkʼeltik voʼtosuk.

1. Chabio li avoʼontone, pʼajo li buchʼu tsloʼla ajole xchiʼuk mu xakʼel li kʼusitik ibalik sbae. Mi jech la apase, muʼyuk tsok li anupunele (Mt 5:28; 2Pe 2:14).

2. Lekuk-o xavil aba xchiʼuk Jeova xchiʼuk akʼo persa ti jechuk anupunel kʼuchaʼal lek chil stuke (Sl 97:10).

3. Sventa junuk noʼox avoʼonton li ta anupunele, achʼubuk-o batel li atalelale xchiʼuk oyuk kʼusi lek xapas ta stojolal li anup achiʼile (Kol 3:8-10, 12-14).

4. Chiʼino abaik ta loʼil xchiʼuk ichʼo abaik ta mukʼ (Kol 4:6).

5. Akʼo ta ilel ti akʼanoj abaik xchiʼuk ti avichʼoj abaik ta mukʼ kʼalal chachiʼin abaik ta vayele (1Ko 7:3, 4; 10:24).

Kʼalal tsots skʼoplal chil snupunelike, jaʼ jech chichʼik ta mukʼ li buchʼu la slikes li nupunel ti jaʼ li Jeovae.

MI LA AKʼELIK LI VIDEO SKʼAN XKUCH KUʼUNTIK LI ANILAJELE—JCHʼUNTIK ME LI MANTALETIKE, TAKʼIK LI SJAKʼOBILTAK LIʼE:

• 

  Akʼo mi lek toʼox ta slikebal li snupunelike, ¿kʼusi xuʼ snuptanik?

• 

  ¿Kʼuxi xuʼ xkoltaatik yuʼun beiltaseletik ta Vivlia li buchʼutik muʼyuk noʼox lek snupunelike?

• 

  ¿Kʼusi tojobtasel ch-akʼbatik yuʼun Jeova li nupultsʼakaletike?

• ¿Kʼusi skʼan spas li malalil xchiʼuk ajnilal sventa xmuyubajikuk noʼox li ta snupunelike?