LI JKUXLEJALTIKE
Xanaʼuk spajesel li kʼusi tskʼan avoʼontone
Ta skoj ti jmulavilutike, skotol ora skʼan xkakʼtik persa stsalel li kʼusi tskʼan koʼontontike. Mi chkakʼtik ti spasutik ta mantale, yikʼaluk van muʼyuk xa lek chkil jbatik-o xchiʼuk Jeova. Junantike jaʼ tskʼanik tajek ti oyuk snaik, sveʼelik o skʼuʼ spokʼik ti jaʼ jutuk noʼox skʼanojik li Diose. Yantike muʼyuk tstsakik ta venta kʼusitik chal smantal Dios kʼalal chchiʼin sbaik ta vayele (Ro 1:26, 27). Junantik xtoke tspasik li kʼusi ch˗albatik yuʼun yantike, yuʼun tskʼanik ti lekuk noʼox x-ilatike (Eks 23:2).
¿Kʼuxi xuʼ jnaʼtik spajesel li kʼusitik tskʼan koʼontontike? Skʼan xkakʼtik tajek persa sventa jaʼ xkakʼ ta koʼontontik li kʼusitik sventa mantale (Mt 4:4). Jech xtok, skʼan jkʼanbetik koltael Jeova sventa jnaʼtikuk spajesel li kʼusi tskʼan koʼontontike. ¿Kʼu yuʼun? Yuʼun snaʼoj li kʼusi mas lek xuʼ jpastike xchiʼuk ti kʼuxi xuʼ jkʼupintik li kʼusi tskʼan koʼontontik ti lekike (Sl 145:16).
MI LA AK’ELIK LI VIDEO MU ME XAVAKʼ SOK AKUXLEJAL LI SIKʼOLAJELE, TAK’IK LI SJAK’OBILTAK LI’E:
¿Kʼu yuʼun oy buchʼutik tsikʼolajik?
¿Kʼusi xuʼ xkʼot ta jtojolaltik mi chijsikʼolaje?
¿Kʼu yuʼun chopol li sikʼolajel xchiʼuk li stunesel cigarro eléctricoe? (2Ko 7:1).
¡Xuʼ xkom avuʼun li sikʼolajele!
¿Kʼuxi xuʼ xapʼaj li sikʼolajele o ti xavikta-o stunesele?