Tuneso li livro Kʼupino akuxlejal sventa xatsatsubtasbe xchʼunel yoʼonton li yantik ta stojolal Jeova xchiʼuk Jesus

Li buchʼutik yakal chichʼik estudioe skʼan tsotsuk xchʼunel yoʼontonik sventa lek x˗ilatik yuʼun li Diose (Ebr 11:6). Li livro Kʼupino akuxlejale xuʼ skoltautik sventa xkʼot ta yoʼontonik li mantale, yuʼun yichʼoj tekstoetik ti tsotsik skʼoplale, oy kʼusitik xuʼ snopbeik skʼoplal, oy sjakʼobiltak, kʼupil sba lokʼoletik xchiʼuk videoetik. Mi ta jkoltatik li kaj˗estudiotik sventa jechuk stalelalik kʼuchaʼal tskʼan Dios xchiʼuk ti xamigoinike, ta me stsatsub li xchʼunel yoʼontonik ti jaʼ chkoltaatik sventa xkuch yuʼunik li kʼusi tsnuptanike (1Ko 3:12-15).

Junantike mu xchʼunik lek ti xuʼ xamigoinik li Dios ta skoj ti mu xilike. Jaʼ yuʼun, skʼan jkoltatik sventa xojtikinik li Jeovae xchiʼuk ti spat yoʼontonik ta stojolale.

MI LA AK’ELIK LI VIDEO TUNESO LI LIVRO «KʼUPINO AKUXLEJAL» SVENTA XATSATSUBTASBE XCHʼUNEL YOʼONTON LI YANTIK TA STOJOLAL JEOVAE, TAK’IK LI SJAK’OBILTAK LI’E:

• ¿Kʼuxi vinaj ti lek la xchapan sba li ermanae?

• ¿Kʼusitik la sjakʼ li ermana sventa xal kʼusi tsnop li estudiante ta sventa li kʼusi chal ta Isaias 41:10 xchiʼuk 13?

• ¿Kʼu yelan laj yaʼi sba li estudiante kʼalal la skʼel li video xchiʼuk li teksto ta Vivliae?

Ep buchʼutik mu xaʼibeik smelolal kʼusi jaʼ li pojelale o tsnopik ti maʼuk smotonik yuʼun Diose (Gal 2:20). Jaʼ yuʼun, skʼan jkoltatik sventa xakʼ xchʼunel yoʼontonik ti laj yakʼ xkuxlejal li Jesuse.

MI LA AK’ELIK LI VIDEO TUNESO LI LIVRO «KʼUPINO AKUXLEJAL» SVENTA XATSATSUBTASBE XCHʼUNEL YOʼONTON LI YANTIK TA STOJOLAL JESUSE, TAK’IK LI SJAK’OBILTAK LI’E:

• ¿Kʼuxi vinaj ti lek la xchapan sba li ermanoe?

• Li ermanoe, ¿kʼuxi la stunes li jvokʼ ti bu chal: «Xuʼ to xakʼel liʼe» sventa skolta li yaj˗estudioe?

• Li orasione, ¿kʼu yuʼun jtunel yuʼun li estudiantee?