Jkʼeltik kʼuxi tstakʼ j˗orasiontik li Jeovae

Li Vivliae ep buchʼutik chalbe skʼoplal ti takʼbat s˗orasionik yuʼun li Jeovae. Li yajtuneltak Diose tsatsub˗o xchʼunel yoʼontonik kʼalal laj yilik ti koltaatik yuʼun Jeova kʼalal laj yil svokolike. Jaʼ yuʼun, skʼan ti jamaluk xkalbetik Jeova li kʼusi ta jkʼantike xchiʼuk ti jkʼeltik kʼu yelan tstakʼbutike. Teuk ta joltik ti xuʼ van mu jechuk tajek tstakʼbutik Jeova kʼuchaʼal ta jkʼanbetike o ti x˗echʼ to yepal xakʼbutike (2Ko 12:7-9; Ef 3:20). Jkʼeltik kʼutik yelan xuʼ stakʼbutik.

• Xuʼ xakʼ kipaltik, xuʼ skoltautik sventa junuk noʼox koʼontontik xchiʼuk ti tsotsuk xchʼunel koʼontontik sventa xkuch kuʼuntik li jvokoltike (Flp 4:13).

• Chakʼ jpʼijiltik sventa lekuk kʼusi xkʼot ta nopel kuʼuntik (Snt 1:5).

• Tskoltautik sventa oyuk kʼusi xlokʼ ta koʼontontik spasel xchiʼuk chakʼ kipaltik sventa xuʼuk kuʼuntik spasel (Flp 2:13).

• Chakʼbutik jun oʼontonal mi ta jvul koʼontontike (Flp 4:6, 7).

• Tstijbe yoʼonton yantik sventa xakʼbutik li kʼusi chtun kuʼuntike xchiʼuk ti spat koʼontontike (1Jn 3:17, 18).

• Tskolta li buchʼutik ta jpastik orasion ta stojolalike (Ech 12:5, 11).

MI LA AKʼELIK LI VIDEO LI JEOVAE CHAʼI LI J˗ORASIONTIKE, TAKʼIK LI SJAKʼOBILTAK LIʼE:

• Li kʼusi kʼot ta stojolal li ermano Shimizue, ¿kʼu yuʼun chpatbat yoʼontonik li buchʼutik ipike?

• ¿Kʼuxi xuʼ jchanbetik stalelal li ermano Shimizue?