15-21 YUʼUN ENERO
JOB 36, 37
Kʼejoj 147 xchiʼuk orasion | Slikeb tsobajel (1 min.)
1. Chkʼot ta pasel li kʼusi yaloj Dios ta sventa li kuxlejal sbatel osile
(10 min.)
Li Jeovae kuxul sbatel osil (Job 36:26; w15 1/10 paj. 13 par. 1, 2).
Ta skoj spʼijil xchiʼuk sjuʼel li Jeovae, kuxulutik (Job 36:27, 28; w20.05 paj. 22 par. 6).
Li Jeovae chalbutik kʼusi skʼan jpastik sventa xijkuxi sbatel osil (Job 36:4, 22; Jn 17:3).
Mi jchʼunojtik lek ta sventa li kuxlejal sbatel osile, tskoltautik kʼalal oy kʼusi tsots ta jnuptantike (Ebr 6:19; w22.10 paj. 28 par. 16).
2. Jsaʼtik lek li kʼusitik kʼupil sba ta Vivliae
(10 min.)
Job 37:20. ¿Kʼu toʼox yelan chalik batel li aʼyejetik ta voʼnee? (it-1-S paj. 519 par. 2).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Job 36:1-21 (th xcha. 2).
4. Kʼuxi xuʼ xalikes aloʼil
(3 min.) CHOLMANTAL TI BU OY EP KRIXCHANOETIKE. (lmd xchanobil 3 punto 3).
5. Kʼuxi xuʼ xapas arevisita
(4 min.) TA JUJUPʼEJ NA. (lmd xchanobil 2 punto 5).
6. Kʼuxi xuʼ xavalbe skʼoplal li kʼusi achʼunoje
(5 min.) Mantal. ijwfq 57 par. 5-15. Stituloal: ¿Kʼusi la snuptan li stestigotak Jeova li ta Xchibal Mukʼta Paskʼop ta spʼejel Balumile? (th xcha. 18).
Kʼejoj 49
7. Chapalukot noʼox mi laj avichʼ operasion o mi laj avichʼ poxtaele
(15 min.) Mantal ti xuʼ xichʼ jakʼele xchiʼuk jaʼ tsjelubtas jun mol ta tsobobbail.
Li s-organisasion Jeovae yakʼojbutik vunetik ti tskoltautik ta spasel li kʼusi tskʼan yoʼonton Jeova ta sventa li chʼichʼe (Ech 15:28, 29). ¿Mi yakal xa chachan?
Li tarjeta (DPA) xchiʼuk li Tarjeta de identidad (ic): Li vunetik liʼe te chal kʼu yelan tskʼan tunesbel xchʼichʼel li jchamele. Li buchʼutik yichʼoj xa voʼe xuʼ skʼanbeik li buchʼu sbainoj skʼanel vunetik li tarjeta DPA. Li totil meʼiletike xuʼ skʼanik li Tarjeta de identidad (ic) sventa li yalab xnichʼnabik ti skʼan to 18 sjabilalike. Skʼan te x-ichʼet-o kuʼuntik li vun taje. Mi muʼyuk to jnojesojtik o kachʼubtasojtike, skʼan xa noʼox me jpastik.
Li vun Información para mujeres embarazadas (S-401) xchiʼuk li Information for Patients Requiring Surgery or Chemotherapy (S-407): Li vunetik taje tskoltautik sventa lekuk chapalutik mi laj kichʼtik poxtale xchiʼuk tskoltautik yoʼ jnaʼtik ta sventa li chʼichʼe. Li vunetik taje xuʼ xakʼanbe li moletik ta tsobobbaile, yuʼun xuʼ xtun avuʼun mi laj avichʼ operasion, mi laj avichʼ poxtael ta skoj kanser o mi achiʼuk avole.
Li Komite ti Tsbeiltasvan batel ta Ospitaletike (CEH): Li komite taje jaʼik moletik ta tsobobbail ti yichʼojik chanubtasel sventa xchiʼinik ta loʼil li doktoretike xchiʼuk xuʼ skoltaik jcholmantaletik sventa snaʼik kʼusi xuʼ spasik ta sventa li chʼichʼe. Li ermanoetik taje jaʼ chchiʼinik ta loʼil doktoretik sventa snaʼik kʼusi poxtaeletik xuʼ xkichʼtik ti muʼyuk yichʼoj chʼichʼe. Jech xtok, jaʼ xuʼ saʼik doktoretik ti oy ta yoʼonton tskoltautike. Ta kʼusiuk noʼox ora xuʼ skoltautik. Mi anaʼoj ti chakom ta ospital ta skoj ti tsots ipote, mi chavichʼ operasion o poxtael ta skoj ti ipot ta kanser ti anaʼoj ti xuʼ xavil avokol ta skoj chʼichʼe, kʼopono noʼox me batel li Komite ti Tsbeiltasvan batel ta Ospitaletike. Li ermanaetik ti xchiʼinoj yolike skʼan me skʼoponik li ermanoetik taje. Mi chakʼan koltaele, albo li moletik ta tsobobbail sventa xakʼboxuk snumero li ermanoetik ti chtunik ta komitee.
Akʼo ta ilel li VIDEO ¿Kʼusi abtelal tspasik li Komite ti Tsbeiltasvan batel ta Ospitaletike? Vaʼun, xi xajakʼe:
¿Kʼuxi xuʼ skoltautik li Komite ti Tsbeiltasvan batel ta Ospitaletik mi chkichʼtik poxtael o chkichʼtik operasione?
8. Xchanel Vivlia ta Tsobobbail
(30 min.) bt kap. 4 par. 9-12 xchiʼuk rekuadro ta pajina 34.