22-28 YUʼUN ENERO

JOB 38, 39

Kʼejoj 11 xchiʼuk orasion | Slikeb tsobajel (1 min.)

KʼUSITIK KʼUPIL SBA TA VIVLIA

1. ¿Mi chachʼakbe yorail skʼelel li kʼusitik pasbile?

(10 min.)

Kʼalal tsuts xa ox yuʼun spasel balumil li Jeovae, la xchʼakbe yorail sventa skʼel li kʼusitik la spase (Je 1:10, 12; Job 38:5, 6; w21.08 paj. 9 par. 7).

Li anjeletik eke la xchʼakbeik yorail skʼelel li kʼusitik spasoj Jeovae (Job 38:7; w20.08 paj. 14 par. 2).

Mas to me ta jpat koʼontontik ta stojolal Jeova mi ta jchʼakbetik yorail skʼelel li kʼusitik spasoje xchiʼuk mi ep sbalil chkiltike (Job 38:32-35; w23.03 paj. 17 par. 8).

Jun meʼil xchiʼuk yuni kʼox tseb yakal tskʼelik jkot pepen.

2. Jsaʼtik lek li kʼusitik kʼupil sba ta Vivliae

(10 min.)

Job 38:8-10. ¿Kʼusi chakʼ jchantik ta stojolal Jeova ti jaʼ J-akʼmantale? (it-2-S paj. 199 par. 3, 4).

Tsʼibao li stakʼobile
¿Kʼusitik kʼupilik sba la ata li ta xchanel Vivlia avi xemanae?

Tsʼibao li stakʼobile

3. Skʼelel Vivlia

(4 min.) Job 39:1-22 (th xcha. 5).

TOJOBKUTIK MAS TA SPASEL LI KABTELTIKE

4. Kʼuxi xuʼ xalikes aloʼil

(2 min.) CHOLMANTAL TA BUYUK NOʼOX. Ta slekiluk avoʼonton xakʼopon komel mi mu skʼan lek xloʼilaj chavile (lmd xchanobil 2 punto 3).

5. Kʼuxi xuʼ xapas arevisita

(5 min.) TA JUJUPʼEJ NA. Kʼalal ay avulaʼan ta sba veltae, laj yalbot ti jaʼtik to xchamel jun yutsʼ yalale (lmd xchanobil 9 punto 3).

6. Mantal

(5 min.) lmd apendise 1 punto 1. Stituloal: Chakʼ ta ilel ti poʼot xa xichʼ lajesel choplejal li kʼusitik yakal chkʼot ta pasel avie xchiʼuk ti kʼu xa yelan stalelal li krixchanoetike (th xcha. 16).

LI JKUXLEJALTIKE

Kʼejoj 111

7. Mi ta jnopbetik skʼoplal li kʼusitik pasbile, tskoltautik yoʼ mu xbat ta koʼontontik li jvokoltike

(15 min.) Mantal ti xuʼ xichʼ jakʼele.

Li Jobe tsnopbe skʼoplal junantik chonbolometik ti spasoj Jeovae, jech kʼuchaʼal li ipopotamoe, li sigüenya mute, li avestruse, li kokodriloe, li aguilae, li kaʼe xchiʼuk li teʼtikal tot vakaxe. Kʼalal tal tsatsal sutub ikʼe, te nopol chotiik yoʼ bu Job li Eliu xchiʼuk li oxvoʼ yamigotak ta alele.

Kʼalal laj yichʼ ilbajinel yuʼun Satanas li Jobe xchiʼuk li oxvoʼ yamigotak ta alele, jaʼ laj yakʼ ta yoʼonton li svokole.

Kʼelo Job 37:14. Vaʼun, xi xajakʼe:

¿Kʼusi skʼan spas jechuk Job sventa masuk to spat yoʼonton ta stojolal li Jeovae?

Tsʼibao li stakʼobile

Mi chijlubtsaj xa yuʼun li jvokoltike, jkʼelbetik li spasbentak Jeovae, yuʼun jaʼ te chkakʼtik venta ti mu albajuk li sjuʼele, ti tskoltautik sventa tukʼ xkakʼ jbatike xchiʼuk ti jpat koʼontontik ta stojolal ti ta onoʼox xchabiutike (Mt 6:26).

Akʼo ta ilel li VIDEO ¿Kʼusi ta jchantik ta sventa li tukʼil oʼontonal ti chalbe skʼoplal li ta slivroal Jobe? Li kʼusi xuʼ jchantik yuʼun li chonbolometike. Vaʼun, xi xajakʼe:

¿Kʼuxi la skoltaot yoʼ masuk to xapat avoʼonton ta stojolal Jeova li videoe?