13-19 YUʼUN OKTUVRE
EKLESIASTES 7, 8
Kʼejoj 39 xchiʼuk orasion | Slikeb tsobajel (1 min.)
1. «Jaʼ mas lek mi chijbat ta sna li buchʼutik chokʼita yanimaike»
(10 min.)
Jchʼakbetik yorail sventa jpatbetik yoʼonton li buchʼutik oy buchʼu chamem yuʼunike (Ekl 7:2; w22.01 paj. 16 par. 9).
Xuʼ jpatbetik yoʼonton jun ermano kʼalal chkalbetik kʼusi lek la spas li buchʼu chamem yuʼune (Ekl 7:1; w19.06 paj. 23 par. 15).
Jmojuk xapasik orasion (w17.07 paj. 16 par. 16).
TEUK TA AJOL LI’E: Li buchʼutik chamem yutsʼ yalalike tskʼanik onoʼox koltael yuʼun ermanoetik kʼuk sjaliluk (w17.07 paj. 16 par. 17-19).
2. Jsaʼtik lek li kʼusitik kʼupil sba ta Vivliae
(10 min.)
Ekl 7:20-22. Li versikuloetik liʼe, ¿kʼuxi tskoltautik sventa jnaʼtik mi skʼan xbat jchiʼintik ta loʼil li ermano ti oy kʼusi chopol la spasbutik o laj yalbutike? (w23.03 paj. 31 par. 18).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Ekl 8:1-13 (th xchanobil 10).
4. Kʼuxi xuʼ xalikes aloʼil
(2 min.) CHOLMANTAL TI BU OY EP KRIXCHANOETIKE. Kʼelo kʼusi oy ta yoʼonton chchanbe skʼoplal li jun krixchanoe, vaʼun albo ti chakʼan chachiʼin ta loʼil yan veltae (lmd xchanobil 2 punto 4).
5. Kʼuxi xuʼ xalikes aloʼil
(2 min.) CHOLMANTAL TA BUYUK NOʼOX. (lmd xchanobil 2 punto 3).
6. Kʼuxi xuʼ xapas arevisita
(2 min.) TA JUJUPʼEJ NA. Akʼbo yil yajval na li jpajinatik ta internet ta jw.org (lmd xchanobil 9 punto 4).
7. Kʼuxi xuʼ xavalbe skʼoplal li kʼusi achʼunoje
(5 min.) Skʼelobil noʼox. ijwfq mantal 50. Li kʼusi chavalbe skʼoplale: ¿Kʼu yelan snaʼ xmuklomajik li stestigotak Jeovae? (th xchanobil 17).
Kʼejoj 151
8. Masuk to xachʼun ti oy li chaʼkuxesele
(15 min.) Mantal ti xuʼ xichʼ jakʼele.
Jtos matanal yakʼojbutik Jeova ti toj kʼupil sbae jaʼ li chaʼkuxesele. Ep kʼusi chakʼ kiltik ta stojolal li Jeovae: jaʼ jun Dios ti toj tsots sjuʼele, ti toj pʼije, ti oy xkʼuxul yoʼontone xchiʼuk ti skʼanojutik ta jujuntale (Jn 3:16).
Kʼalal jchʼunojtik lek ti oy chaʼkuxesele, jaʼ tskoltautik sventa xkuch kuʼuntik li jvokoltike (2Ko 4:16-18). Jech xtok, akʼo mi xkichʼtik kontrainel, xij-ipaj o xcham junuk kutsʼ kalaltike, li chaʼkuxesele tspat koʼontontik xchiʼuk xuʼ xakʼbutik jun oʼontonal (1Te 4:13). Ta melel, mu xuʼ xijmuyubaj mi muʼyuk jchʼunojtik lek ti oy chaʼkuxesele (1Ko 15:19). ¿Kʼu yuʼun mu xkakʼtik persa sventa masuk to xkakʼ xchʼunel koʼontontik li ta chaʼkuxesele?
Kʼelo Juan 11:21-24. Vaʼun, xi xajakʼe:
¿Kʼuxi laj yakʼ ta ilel Marta ti xchʼunoj lek ti oy chaʼkuxesele?
¿Kʼuxi akʼbat bendision yuʼun Jeova ta skoj ti oy xchʼunel yoʼontone? (Jn 11:38-44).
Akʼo ta ilel li VIDEO Jchanbetik li antsetik ti oy xchʼunel yoʼontonike: Li Martae. Vaʼun, xi xajakʼe:
¿Kʼu yuʼun toj ep sbalil chavil li chaʼkuxesele?
¿Kʼusi xuʼ xapas sventa masuk to xachʼun ti oy chaʼkuxesele?
9. Xchanel Vivlia ta Tsobobbail
(30 min.) lfb xchanobil 26, 27.