20-26 YUʼUN OKTUVRE
EKLESIASTES 9, 10
Kʼejoj 30 xchiʼuk orasion | Slikeb tsobajel (1 min.)
1. Mu jaʼuk xbat ta koʼontontik li jvokoltike
(10 min.)
Mi oy jvokoltike, maʼuk skʼan xal ti chʼabal lek chilutik li Jeovae (Ekl 9:11; w13 15/8 paj. 14 par. 20, 21).
Teuk ta joltik ti oy onoʼox kʼusi chopol ta jnuptantik li ta sbalumil Satanase (Ekl 10:7; w19.09 paj. 4 par. 10).
Akʼo mi chkil jvokoltik, skʼan jchʼakbetik yorail sventa jnopbetik skʼoplal li kʼusi lek yakʼojbutik Jeovae (Ekl 9:7, 10; w11 15/10 paj. 8 par. 1, 2).
2. Jsaʼtik lek li kʼusitik kʼupil sba ta Vivliae
(10 min.)
Ekl 10:12-14. ¿Kʼu yuʼun mu stakʼ xijloʼiltavan o ti jpuktik loʼile? (it-S «Loʼiltavanej, chopol kʼoptavanej» par. 4, 8).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Ekl 10:1-20 (th xchanobil 11).
4. Kʼuxi xuʼ xalikes aloʼil
(3 min.) CHOLMANTAL TI BU OY EP KRIXCHANOETIKE. Cholbo mantal li buchʼu chat noʼox yoʼonton yileluke (lmd xchanobil 3 punto 4).
5. Kʼuxi xuʼ xalikes aloʼil
(4 min.) CHOLMANTAL TA BUYUK NOʼOX. Tuneso jtosuk «Li kʼusi ta jkʼupintik yalbel skʼoplal ta Vivlia» li ta apendise 1 li ta foyeto Jkʼantik li jchiʼiltaktike, vaʼun chiʼino ta loʼil junuk krixchano ti tsvul yoʼonton ta skoj takʼine (lmd xchanobil 4 punto 4).
6. Koltao sventa x-och ta mantal
(5 min.) lff xchanobil 17 ¿kʼusi la achan?, svulesobil ta joltik xchiʼuk «Paso liʼe» (lmd xchanobil 12 punto 3).
Kʼejoj 47
7. Li Jeovae tskoltautik kʼalal oy kʼusi tsots ta jnuptantike
(15 min.) Mantal ti xuʼ xichʼ jakʼele.
Skotol kʼakʼal oy onoʼox kʼusi ta jnuptantik. Pe bakʼintike, tsots tajek kʼusi ta jnuptantik ti xuʼ xij-ipaj-oe, ti toj echʼ xa noʼox chkat-o koʼontontike xchiʼuk ti xuʼ xijchibaj-o yuʼun ta mantale. ¿Buchʼu xuʼ skoltautik xchiʼuk kʼusi xuʼ jpastik kʼalal jech ta jnuptantike?
Mu ventauk kʼusi jnuptantik, ta onoʼox skoltautik li Jeovae (Is 33:6). Sventa jpat koʼontontik ta stojolal Jeovae, skʼan bikʼit xkakʼ jbatik (Pr 11:2). Kʼalal oy kʼusi tsots ta jnuptantike, skʼan van jchʼakbetik yorail sventa jchabi jbatik, jchabi kutsʼ kalaltik, ti lekuk kʼusi xkʼot ta nopel kuʼuntike o ti jchʼakbetik yorail sventa xij-okʼutik kʼalal chcham junuk kutsʼ kalaltik o kamigotike (Ekl 4:6).
Li Jeovae ep ta velta tstunes ermanoetik sventa spat koʼontontik. Jaʼ yuʼun, skʼan jchʼamtik ta sjunul koʼontontik li koltael chakʼike o ti jkʼanbetik koltaele. Teuk ta joltik ti skʼanojutik li ermanoetike xchiʼuk ta sjunul yoʼonton tskoltautik.
Kʼelo 2 Korintios 4:7-9. Vaʼun, xi xajakʼe:
Akʼo mi vokol tajek chkaʼitik, ¿kʼu yuʼun skʼan jechuk-o xkakʼtik persa xijbat ta tsobajeletik, jchan Jvivliatik xchiʼuk ti xijlokʼ ta cholmantale?
Akʼo ta ilel li VIDEO Gary xchiʼuk Beth Septer: «Li Mucʼul Diose nopol oy ta stojol li bochʼo oy svocol yoʼntonique». Vaʼun, xi xajakʼe:
¿Kʼuxi koltaatik yuʼun Jeova li Gary xchiʼuk Bethe?
¿Kʼuxi koltaatik yuʼun li ermanoetike?
¿Kʼusi to chakʼ jchantik li nupultsʼakale?
8. Xchanel Vivlia ta Tsobobbail
(30 min.) lfb xchanobil 28, slikeb loʼil ta svakvokʼal xchiʼuk xchanobil 29.