5-11 YUʼUN ENERO
ISAIAS 17-20
Kʼejoj 153 xchiʼuk orasion | Slikeb tsobajel (1 min.)
1. «Jaʼ tsparteinik li buchʼutik tspojik batel li kʼusitik oy kuʼuntike»
(10 min.)
Li Vivliae tskoʼoltas kʼuchaʼal voʼ ti xvoʼoʼet tajek li krixchanoetike (Is 17:12; w18.06 paj. 7 par. 16).
Ta skoj ti tukʼ chkakʼ jbatike xuʼ xkichʼtik-o pʼajel (Jn 15:18, 19; w16.04 paj. 28 par. 4).
Li Jeovae poʼot xa skoltautik lokʼel ta stojolal «li buchʼutik tspojik batel li kʼusitik oy kuʼuntike» (Is 17:13, 14; ip-1 paj. 198 par. 20-mwbr).
2. Jsaʼtik lek li kʼusitik kʼupil sba ta Vivliae
(10 min.)
Is 20:2. ¿Mi batsʼi tʼanal kom oxib jabil li Isaiase? (w06 1/12 paj. 11 par. 1-mwbr).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Is 19:1-12 (th xchanobil 11).
4. Kʼuxi xuʼ xalikes aloʼil
(3 min.) TA JUJUPʼEJ NA. Tuneso jtosuk «Li kʼusi ta jkʼupintik yalbel skʼoplal ta Vivlia» ta apendise 1 li ta foyeto Jkʼantik li jchiʼiltaktike, jaʼ xavakʼbe yil li buchʼu oy snup xchiʼile (lmd xchanobil 2 punto 3).
5. Kʼuxi xuʼ xapas arevisita
(4 min.) TA JUJUPʼEJ NA. Albo ti chakʼan chavakʼbe chanubtasel ta Vivliae. (lmd xchanobil 8 punto 4).
6. Mantal
(5 min.) lmd apendise 1 punto 14. Stituloal: Tskʼan ti jpastik orasion li Diose (th xchanobil 8).
Kʼejoj 148
7. Teuk ta ajol «li Mukʼta Ton ti jaʼ atsatsal nakʼobbaile»
(10 min.) Mantal ti xuʼ xichʼ jakʼele.
Li Jeovae jaʼ li Mukʼta Ton ti jaʼ jtsatsal nakʼobbailtike (Is 17:10). Tskolta li buchʼu tsaʼ snakʼobbail ta stojolale (Sl 144:1, 2). Bateltike, li Jeovae muʼyuk bu tslajesbe skʼoplal li kontrainel tsnuptan yamigotake, pe tskolta sventa xkuch yuʼunik (1Ko 10:13).
Kʼalal ta jchʼunbetik smantale, chkakʼtik ta ilel ti te ta joltik li Jeovae. Akʼo ta ilel li VIDEO Chanbo stalelal li yamigotak Jeovae: Ananias, Misael xchiʼuk Asarias. Mi laje, albo jayvoʼuk ololetik ti xmuyik ta plataforma ti baʼyel xa onoʼox avalojbee, jaʼ xatunes li sjakʼobiltak ta olone. Moʼoje, xuʼ jaʼ xa jakʼbe li buchʼutik te oyik ta tsobajele.
¿Kʼuxi la spoj yamigotak li Jeovae? (Da 3:24-28).
¿Kʼuxi laj yakʼik ta ilel Ananias, Misael xchiʼuk Asarias ti jaʼ yamigoik li Jeovae?
¿Bakʼin ti vokol chavaʼi xchʼunbel smantal li Jeovae?
¿Kʼusi xuʼ xapas sventa xachʼunbe smantal li Jeovae?
8. Skotoluk kʼakʼal kakʼ kipaltik xchanbel stalelal li yamigotak Jeovae
(5 min.) Mantal ti xuʼ xichʼ jakʼele.
Li video «Chanbo stalelal li yamigotak Jeovae» laj yichʼ pasel sventa li ololetik ti jaʼ to chchanik skʼelel vune xchiʼuk te chalbe skʼoplal krixchanoetik ti la skʼanik Jeovae. Li videoetike chtijbat yoʼonton li uni ololetik sventa xchanbeik stalelal li yamigotak Jeova jujun kʼakʼale.
¿Kʼuxi xuʼ jchʼakbetik yorail jujun kʼakʼal sventa xkojtikintik Jeova xchiʼuk li yamigotake?
¿Buchʼu ta jkʼan mas chkojtikintik ti te chalbe skʼoplal ta Vivliae, xchiʼuk kʼu yuʼun?
9. Xchanel Vivlia ta Tsobobbail
(30 min.) lfb xchanobil 50, slikeb loʼil ta sbalunvokʼal xchiʼuk xchanobil 51.