Oy ta koʼontontik ti lekuk xbat jkuxlejaltike

Akʼo mi jech, ep buchʼutik tsnopik ti vokol ta tael taje. Yuʼun yilojik ti xuʼ ta xjel ta anil li jkuxlejaltike. Ta skoj li coronaviruse, epal krixchanoetik yiloj xa svokolik, chʼabal xa lek stakʼinik xchiʼuk ep xa buchʼu chamemik. Jaʼ yuʼun, ep buchʼutik tsvul yoʼontonik ta sventa li xkuxlejalike.

Ta skoj ti mu snaʼik kʼusi chkʼot ta stojolalik li krixchanoetike, ep tajek kʼusi tspasik sventa lekuk xbat li xkuxlejalike. Junantike xchʼunojik ti jech xa onoʼox albil li kʼusi chkʼot ta stojolalike o ta skoj suerte. Ep buchʼutik xchʼunojik ti mi lek chanunajemik xchiʼuk ti mi oy lek stakʼinike lek la chbat li xkuxlejalike. Junantik xtoke, tsnopik ti mi lek la stalelalike lek la chbat xkuxlejalik.

¿Pe mi melel van ti chkoltavan sventa lekuk xbat akuxlejal li kʼusitik taje? Sventa xanaʼe, nopbo skʼoplal liʼe:

• ¿Kʼusi tskoltaot sventa lek xbat li akuxlejale?

• ¿Mi xuʼ van xlekub yuʼun akuxlejal li takʼin xchiʼuk li chanune?

• ¿Mi lek chbat akuxlejal mi lek atalelale?

• ¿Bu xuʼ xata koltael sventa lekuk xbat li akuxlejale?

Li sjakʼobiltak taje, liʼ chichʼ takʼel li ta revistae.