VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
tsotsil
ʼ
  • ʼ
  • VIVLIA
  • VUNETIK
  • TSOBAJELETIK
  • wp21 Num. 3 paj. 9-11
  • ¿Mi lek chbat akuxlejal mi lek atalelale?

Muʼyuk svideoal.

Paso perton, mu stij li videoe.

  • ¿Mi lek chbat akuxlejal mi lek atalelale?
  • Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2021
  • Subtituloetik
  • Yan vunetik ti xkoʼolaje
  • LI KʼUSITIK TSPASIKE
  • ¿MI OY VAN SBALIL TA MELEL?
  • Oy ta koʼontontik ti lekuk xbat jkuxlejaltike
    Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2021
  • ¿Mi chakʼan chanaʼ kʼuxi xuʼ lek chbat li akuxlejale?
    Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2021
  • Slikeb loʼil
    Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2021
  • «Li manxoetike jaʼ chuʼuninik li balumile»
    Li Jkʼel osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2018
Kʼelo kʼusitik yan
Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa skotol krixchanoetik) 2021
wp21 Num. 3 paj. 9-11
Jun ants ta xvaʼi sventa xakʼ chotluk jun ants ti oy xa sjabilal kʼalal te oyik ta jun autovuse.

¿Mi lek chbat akuxlejal mi lek atalelale?

Ta epal jabil, li krixchanoetike xchʼunojik ti lek chbat xkuxlejalik mi lek stalelalike. Jun skʼelobile jaʼ li kʼusi laj yal li Confucio ti jaʼ jun jchanubtasvanej xchiʼuk filosofo ti kuxi ta sjabilaltik 551 xchiʼuk 479 kʼalal muʼyuk toʼox talem Jesuse, xi laj yale: «Mu xapas li kʼusi mu xakʼan spasboxuk li yantik eke».a Jaʼ jech ep tsnopik li buchʼutik likemik ta Asiae.

LI KʼUSITIK TSPASIKE

Epal krixchanoetik xtoke, chalik ti mas la lek chbat xkuxlejalik mi lek kʼusitik tspasike. Jaʼ yuʼun, chakʼik persa sventa x˗ichʼvanik ta mukʼ, lekuk stalelalik, tspasik li kʼusi sbainojike xchiʼuk ti junuk noʼox yoʼontonike. Linh, jun ants ti te nakal ta Vietname, xi chale: «Kaloj ti mi melel jnaʼ xikʼopoje, jech˗o lek chbat li jkuxlejale».

Li ants xtoke chakʼbe sveʼel li povreetik xchiʼuk ti chʼabal snaike.

Junantike lek kʼusitik tspasik ta skoj ti jech chchanubtasatik li ta srelijionike. Jun vinik ti nakal ta Taiwán ti Hsu-Yun sbie xi chale: «La xchanubtasikun ti kʼalal chcham jun krixchanoe xuʼ xmuyubaj o xuʼ xil svokol sbatel osil ta skoj ti kʼusi la spas kʼalal kuxul toʼoxe».

¿MI OY VAN SBALIL TA MELEL?

Kʼalal sut batel ta sna li antse, te spetoj yuni kerem ta xat yoʼonton xchiʼuk lubem tajek.

Melel onoʼox ti mas lek chbat jkuxlejaltik kʼalal oy kʼusi lek ta jpastik ta stojolal li yantike. Akʼo mi jech, epal krixchanoetik yakʼojik venta ti kʼalal tskoltaik li yantike mu skotoluk velta jech lek chbat xkuxlejalik kʼuchaʼal tskʼanike. Shiu Ping, jun ants ti nakal ta Hong Kong, xi chale: «Kiloj ta jkuxlejal jtuk ti mu skotoluk velta lek kʼusi tstaik li buchʼutik lek kʼusitik tspasike. Laj kakʼ tajek ta koʼonton xchabiel li kutsʼ kalale xchiʼuk ti lekuk kʼusitik jpase, pe muʼyuk lek xbat li jnupunele, laj yiktaunkutik xchiʼuk jkerem li jmalale».

Ep buchʼutik yakʼojik venta ti mu skotoluk velta chlekub yuʼun stalelal jun krixchano li relijione. Etsuko jun ants ti nakal ta Japóne xi chale: «Te toʼox oyun ta jun relijion xchiʼuk voʼon toʼox jbainoj stsobel li kerem tsebetike. Chopol tajek laj kil ti muʼyuk lek stalelalik li buchʼu te chkʼotik ta jrelijione, chut sbaik ta skoj ti tskʼan tsots skʼoplalike xchiʼuk muʼyuk lek tstunesik li takʼin ta temploe».

«Laj kakʼ tajek ta koʼonton xchabiel li kutsʼ kalale xchiʼuk ti lekuk kʼusitik jpase, pe muʼyuk lek xbat li jnupunele, laj yiktaunkutik xchiʼuk jkerem li jmalale» (SHIU PING, HONG KONG).

Epal krixchanoetik ti oy srelijionike chopol chaʼiik kʼalal chakʼik venta ti muʼyuk sbalil li kʼusitik lek la spasike. Jaʼ jech laj yaʼi sba Van, jun ants ti nakal ta Vietnam, xi chale: «Skotol kʼakʼal chkakʼ sat teʼetik, nichimetik xchiʼuk veʼlil sventa xkakʼbe ta smoton li anima jmoltotake, yuʼun jpatoj koʼonton ti chakʼbeikun bendisione. Akʼo mi epal jabil jech la jpas li kʼusitik taje xchiʼuk ti oy kʼusitik yan lekik la jpase, ta tsʼakale tsots ipaj li jmalale. Ta jelavele, li jtseb ti yakal toʼox chchanunaj ta yan lume cham kʼalal 20 toʼox sjabilale».

KʼU YUʼUN MU BALUK NOʼOX TI LEK JTALELALTIKE

Akʼo mi tsots skʼoplal ti lekuk koʼontontik ta stojolal li yantike, mu baluk noʼox sventa lekuk xbat li jkuxlejaltike. ¿Kʼu yuʼun? Jkʼeltik kʼusi chal li Skʼop Diose.

MU SKOTOLIKUK TSKʼAN TSPASIK LI KʼUSITIK LEKE.

«Li jun noʼox jpasmulile xuʼ xakʼ ep vokoliletik» (EKLESIASTES 9:18).

Akʼo mi chavakʼ avipal ta spasel li kʼusi leke, pe ta skoj ti jaʼ tskʼan tspas li kʼusi oy ta yoʼonton li krixchanoetike xuʼ xavil˗o avokol. Jech kʼuchaʼal liʼe, kʼalal oy junuk tsatsal chamele, xuʼ van chachʼun li mantaletik chakʼ ajvalile xchiʼuk muʼyuk chanopaj ta stojolal yantik. Pe mi oy buchʼu mu xchʼune, xuʼ xakʼbe svokol li yantike.

EP BUCHʼUTIK MU SNAʼIK LI KʼUSI LEK XCHIʼUK LI KʼUSI CHOPOLE.

«Oy jun be ti lek noʼox chil li jun krixchanoe, pe ch˗ikʼat batel ta lajelal» (PROVERBIOS 14:12).

Epal krixchanoetik tsnopik ti lek li kʼusi tspasike, pe ta tsʼakale laj yakʼik venta ti mu jechuke. Akʼo mi lek kʼusi oy ta koʼontontik, pe ta onoʼox xkil jvokoltik ta skoj li kʼusi muʼyuk lek chbat ta nopel kuʼuntike.

MU JNAʼTIK KʼUSI CHKʼOT TA JKUXLEJALTIK.

«Mu xanaʼik kʼu yelan akuxlejalik li okʼome» (SANTIAGO 4:14).

Akʼo mi lek tajek stalelal li jun krixchanoe, xuʼ xcham ta kʼusiuk noʼox ora. Jech kʼuchaʼal liʼe, ta skoj li chamel coronaviruse, ep buchʼutik chchamik ta skoj ti tskoltaik li yantike. Jkʼeltik kʼusi kʼot ta stojolal Liting jun ants ta China ti cham ta karro stote, xi chale: «Mu xkaʼibe smelolal ti cham li buchʼu toj lek yoʼontone, li jtote baxbol ta abtel, bikʼit yakʼoj sba xchiʼuk melel snaʼ xkʼopoj, pe jaʼ noʼox stuk cham li ta karroe».

Mi mu baluk noʼox ti lek jtalelaltik sventa lekuk xbat li jkuxlejaltike, ¿kʼusi skʼan jpastik chaʼa? Sventa jnaʼtike, ¿bu xuʼ jtatik lekil beiltasel ti xuʼ jpat koʼontontik yuʼune, ti tstakʼbutik li kʼusitik ta jakʼtike xchiʼuk ti chalbutik kʼuxi xuʼ lek xbat li jkuxlejaltike?

a Mi chakʼan chanabe mas yaʼyejal li kʼusi laj yal li Confucioe, kʼelo ta kapitulo 7, parafo 31 kʼalal ta 35 li ta livro El hombre en busca de Dios, ti pasbil yuʼun stestigotak Jeovae. Xuʼ xayales ta www.jw.org.

    Vunetik ta tsotsil (2001-2025)
    Lokʼan
    Ochan
    • tsotsil
    • Tako batel
    • Ti kʼu yelan chak'ane
    • Copyright © 2025 Watch Tower Bible and Tract Society of Pennsylvania
    • Ti kʼutik yelan xuʼ xichʼ tunesele
    • Política de privacidad
    • Configuración de privacidad
    • JW.ORG
    • Ochan
    Tako batel