«Li manxoetike jaʼ chuʼuninik li balumile»

Jkotoltik kakʼojtik venta ti muʼyuk tukʼilale xchiʼuk kilojtik ti chichʼik ilbajinel li buchʼutik lek yoʼontonike. ¿Mi chlaj van skʼoplal xanaʼ li choplejal xchiʼuk ti muʼyuk tukʼilale?

Taje jaʼ tstakʼbutik li Vivliae xchiʼuk chalbutik li kʼusi skʼan jpastike. Kʼelo avil kʼuxi tstakʼ Salmo 37 li sjakʼobiltak liʼe:

¿Kʼu yelan skʼan xkaʼi jbatik kʼalal oy buchʼu chopol kʼusi tspasbutike? (versikulo 1 xchiʼuk 2).
¿Kʼusi chkʼot ta stojolal li chopol krixchanoetike? (versikulo 10).
¿Kʼusi tstaik li buchʼutik lek yoʼontonike? (versikulo 11 xchiʼuk 29).
¿Kʼusi skʼan jpastik li avie? (versikulo 34).

Xi chal ta jamal li Salmo 37: «Pato avoʼonton ta stojolal Jeova xchiʼuk teuk-o xaxanav li ta sbee». Mi jech ta jpastike, oy kʼusi lek ta jtatik li ta mas jelavele. Li stestigotak Jeovae tskʼan tskoltaoxuk yoʼ xachan li Vivliae xchiʼuk chakʼik avil kʼusi stakʼ xapas yoʼ oyuk kʼusi lek xataik ta mas tsʼakal xchiʼuk li avutsʼ avalale.

Mi chakʼanbe to mas yaʼyejal ta sventa li kʼusi yaloj tspas Dios ta jelavele, likeso xchanel li foyeto Kʼupino akuxlejal, ti pasbil yuʼun stestigotak Jeovae. Xuʼ xakʼel xtok ta Internet ta www.jw.org/tzo.