¿Kʼusi xuʼ jpastik mi chopol kʼusi lijpasbate?

Kʼelo Jenesis 37:​23-28; 39:​17-23 sventa xavakʼ venta kʼusitik chopol laj yichʼ pasbel li Josee.

Sabo mas kʼoplal. ¿Kʼu yuʼun chopol kʼusi laj yichʼ pasbel li Josee? (Jen. 37:​3-11; 39:​1, 6-10). ¿Kʼu sjalil jech laj yil svokol? (Jen. 37:2; 41:46). Ti kʼu sjalil laj yil svokole, ¿kʼusi la spas Jeova ta stojolal li Josee xchiʼuk kʼusi muʼyuk la spas? (Jen. 39:​2, 21; w23.01 paj. 17 par. 13).

Chajo ta kʼelel kʼusi smakoj. Li Vivliae muʼyuk chal mi la spak skʼoplal Jose kʼalal jutbat smul yuʼun li yajnil Potifare. Mi muʼyuk la spak skʼoplale, ¿kʼu yuʼun ti mu jechuk la spase? (Koʼoltaso xchiʼuk Proverbios 20:2 xchiʼuk Echos 21:37). ¿Kʼu yuʼun muʼyuk chal Vivlia skotol li kʼusitik kʼotanuk ta pasele? (Koʼoltaso xchiʼuk Juan 21:25). ¿Kʼusi talelaletik koltaat-o Jose sventa xkuch yuʼun li kʼusi chopol pasbate? (Mik. 7:7; Luk. 14:11; Sant. 1:​2, 3).

Nopbo skʼoplal li kʼusitik chachane. Xi xanopbe skʼoplale:

• «¿Kʼusitik van xuʼ jnuptan ta skoj ti jaʼun yajtsʼaklom Kristoe?» (Luk. 21:​12, 16, 17; Ebr. 10:​33, 34).

• «¿Kʼusitik van tskoltaun sventa xkuch kuʼun li kʼusitik chopol xuʼ xkichʼ pasbele?» (Sal. 62:​7, 8; 105:​17-19; w19.07 paj. 2-7).