Ti kʼuxi xuʼ tsotsuk koʼontontik akʼo mi oy kʼusi tsots ta jnuptantik

Kʼelo Jeremias 38:1 kʼalal ta 13 sventa xachanbe stsatsal yoʼonton li j-alkʼop Jeremias xchiʼuk li kapon vinik ti Ebed-Melek sbie.

Sabo mas skʼoplal. ¿Kʼuxi laj yakʼ ta ilel Jeremias ti tsots yoʼonton kʼalal laj yal li aʼyej ti akʼbat snaʼ yuʼun li Jeovae? (Jer. 27:​12-14; 28:​15-17; 37:​6-10). ¿Kʼu yelan laj yaʼiik li krixchanoetike? (Jer. 37:​15, 16).

Chajo ta kʼelel kʼusi smakoj. ¿Kʼusi vokolil la snuptan li Jeremiase? (jr-S paj. 26, 27 par. 20-22). Sabo mas skʼoplal kʼu yelan li posoetik ta voʼnee (it-1-S paj. 489). ¿Kʼu van yelan laj yaʼi sba Jeremias kʼalal te tikʼil li ta posoe xchiʼuk kʼalal laj yaʼi ti chmutʼij xa yalel ta achʼele? ¿Kʼusi van xiʼo yuʼun li Ebed-Meleke? (w12-S 1/5 paj. 31 par. 2, 3).

Nopbo skʼoplal li kʼusitik chachane. Xi xanopbe skʼoplale:

• «Li loʼil liʼe, ¿kʼusi chakʼ jchan ta stojolal Jeova ti kʼu yelan chchabi yajtuneltak ti tukʼ yakʼoj sbaike?» (Sal. 97:10; Jer. 39:​15-18).

• «¿Butik van skʼan xkakʼ ta ilel ti skʼan tsots koʼontone?».

• «¿Kʼusi xuʼ jpas sventa masuk to tsots koʼonton xchiʼuk ti lekuk kʼusi xkʼot ta nopel kuʼun kʼalal oy kʼusi tsots ta jnuptane?» (w11 1/4 paj. 30).a