¿Buchʼu la slikes?

Li sloʼilal stestigotak Jeovae jaʼo te lik talel ta slajebtik sbalunlajunebal siglo. Li vaʼ jabil taje oy toʼox jun uni jtsop jchanolajeletik ta Vivlia ta Pittsburgh (Pensilvania, Estados Unidos) ti lik xchanik Vivliae. Li stukike la skoʼoltasik kʼusi chal Vivlia ta melel xchiʼuk li chanubtaseletik chakʼik ta relijionetike. Laje la spukik batel ta livroetik, la tsʼibaik ta periodikoetik li kʼusi la xchanike xchiʼuk lik spasik li jun revista ti jaʼ sbi Li Jkʼel osil ta toyole. Yakal chalbe skʼoplal li Ajvalilal yuʼun Jeovae.

Jun li buchʼu lik xchan Vivliae jaʼ sbi Charles Taze Russell. Akʼo mi jaʼ li buchʼu lik slokʼes li revista Li Jkʼel osil ta toyole xchiʼuk ti jaʼ la slikes li chanubtaseletik ta Vivlia li vaʼ jabiletike, maʼuk skʼan xal ti jaʼ xa la slikes li achʼ relijione. Li kʼusi oy ta yoʼonton li Russell xchiʼuk li yan jchanolajeletik ta Vivliae (ti jech laj yakʼbe sba sbiike), jaʼ ti xakʼik ta ojtikinel li chanubtaseletik yakʼoj Jesucristoe xchiʼuk ti xichʼuk pasel li mantaletik ti lik talel ta tsobobbail ta baʼyel sigloe. Ta skoj ti jaʼ la slikes Jesús li organisasione, jaʼ li buchʼu la slikes chkilkutike (Colosenses 1:18-20).