Los testigos de Jehová: una historia de fe viva. Parte 1: Salen de la oscuridad
Li ta Vivliae chichʼ koʼoltasel ta lus li kʼusi melele, jaʼuk li ikʼ osile chichʼ koʼoltasel xchiʼuk li jutbil kʼope (Sal. 43:3; Isa. 5:20). Kʼalal la sloʼla Eva li Satanase lik yakʼ ta ikʼ osil li krixchanoetike, jech ta kʼunkʼun la spuk batel ta spʼejel balumil li ikʼal osil kʼalal to avie (Apo. 12:9). Li video Los testigos de Jehová: una historia de fe viva. Parte 1: Salen de la oscuridad chal kʼuxi lik yaʼibeik mas smelolal li Skʼop Diose (Isa. 60:1, 2). Kʼalal mi laj akʼelik li videoe, kʼelik mi xtakʼ avuʼunik li sjakʼobiltak liʼe.
1) Kʼalal chamik xaʼox li jtakboletike, ¿kʼuxi puk-o batel li ikʼal osil ta mantale? 2) Li ta siglo 12, ¿kʼusitik kʼot ta pasel sventa xakʼik venta li krixchanoetik ti mu xa lekuk chchanubtasvanik li ta Relijion katolikae? 3) ¿Buchʼu toʼox li Henry Grew xchiʼuk George Storrs? 4) ¿Kʼusitik kʼot ta pasel ta xkuxlejal Charles Russell ti jaʼ jelbat-o xkuxlejale? 5) ¿Kʼu toʼox yelan chchanik Vivlia li ermano Russell, li stote xchiʼuk junantik buchʼutik xojtikinane? ¿Kʼusi kʼot ta nopel yuʼunik? 6) Li jvokʼ buchʼutik chchanik Vivlia xchiʼuk Russelle, ¿kʼuxi la stsob sbaik xchiʼuk li buchʼutik chchanik Vivlia xchiʼuk Nelson Barboure? ¿Kʼu yuʼun la xchʼak sbaik? 7) ¿Kʼusi kʼot ta pasel ta julio ta 1879 ti jaʼ jech lik vinajuk xojobalik ta mantal li Jchanolajeletik ta Vivliae? 8) Kʼalal jaʼo taje, ¿kʼusi la spasik li Jchanolajeletik ta Vivlia sventa xpuk batel li lekil aʼyejetike? 9) ¿Kʼusi toʼox smalaojik chkʼot ta pasel ta 1914 li Jchanolajeletik ta Vivliae? 10) ¿Kʼusi vokolil la snuptanik li Jchanolajeletik ta Vivlia kʼalal chamem xaʼox li ermano Russelle? 11) ¿Kʼusi la spasik li Jchanolajeletik ta Vivlia kʼalal lokʼesatik ta chukel li ermano Rutherford xchiʼuk xchiʼiltake? 12) ¿Kʼuxi skoltaojot li video liʼe sventa xuʼ mas xakʼan-o li steklumal Jeovae? 13) ¿Kʼuxi la skoltaot li video sventa xamuyubaj noʼox xachol-o batel mantal akʼo mi ep ta tos vokolile? 14) ¿Kʼuxi van xuʼ chatunes sventa chakolta avutsʼ avalal, buchʼutik chachanubtas ta Vivlia o yan krixchanoetik li video liʼe?
¡Toj lek kʼusi laj yiktabutik komel li baʼyel Jchanolajeletik ta Vivliae! Akʼo mi oyik toʼox ta ikʼal osil, ta sjunul yoʼontonik xchiʼuk muʼyuk xiʼik ta spukel batel li lus ta sventa Skʼop Diose. Jchanbetik stalelalik sventa «[xijxanav] jech chac cʼu chaʼal li bochʼo chanov ta sac osile» (Efe. 5:8).