Los testigos de Jehová: organizados para predicar las buenas nuevas
Li yajrextikoutik Jeovae mas xa ta sien jabil ti lek chapal chkalilantik talel li lekil aʼyeje. Koliyal ta sventa li mukʼta kampanya ta sventa li cholmantal ti kʼu xa sjalil yechʼel tale, li aʼyej chkaltike ta xichʼ aʼyel mas ta sien kʼopetik xchiʼuk mas ta 230 mukʼta lumetik xchiʼuk bikʼtal lumetik (Mat. 24:14). ¿Kʼu yuʼun toj tsots skʼoplal skʼan pasel li abtelal taje? ¿Kʼuxi xa noʼox chkʼot ta pasel ta spʼejel Balumil? Li video Los testigos de Jehová: organizados para predicar las buenas nuevas sbie, ta xi stakʼbutik kʼalal mi la jkʼeltik li jaytos kʼusitik chichʼ pasel sventa li abtelal ta spʼejel Balumile. Kʼalal mi laj akʼele, akʼbo yipal stakʼel li sjakʼobiltak liʼe:
¿Kʼu yelan la skoltaot li video sventa mas xavaʼibe lek smelolal xchiʼuk xakʼuxubin 1) li yip ta xakʼ s-organisasion Jeova sventa li xcholel lekil aʼyeje? (2 Tim. 4:2.) 2) li epal Beteletik ta spʼejel Balumile? 3) ti kʼuyelan ta xichʼik chanubtasel li misioneroetik xchiʼuk li jkʼelvanejetik ta sirkuito o distritoe? (2 Tim. 2:2.) 4) ti tsots skʼoplal skʼan xichʼ kʼelel jujun sob junuk teksto ta Vivliae xchiʼuk ti jchapan jbatik jujun xemana sventa li tsobajeletike? (Hech. 17:11.) 5) li sbaliltak chichʼ tael kʼalal chijkʼot li ta tsobajeletike? (Heb. 10:24, 25.) 6) li bendisionetik ta jtatik kʼalal mi kʼataj xaʼox ta jun paraiso li Balumile? (Isa. 11:9.) 7) li abtelal ataoj ta sventa li kʼajoj avi kʼakʼale? (Juan 4:35.)
Li video liʼe skoltaoj epal krixchanoetik ti oy ta yoʼontonik mantal sventa xojtikinik lek li abtelal sventa cholmantal ta jpastik li yajrextikoutik Jeova ta spʼejel Balumile. 8) ¿Bakʼin van sta-o xkakʼbetik yil video li buchʼutik ta jchanubtastik ta Vivliae, li kutsʼ kalaltike xchiʼuk li buchʼutik xkojtikintike? 9) ¿Kʼusi yalojik li buchʼutik yilojik xae?
Kʼalal ta jnoptik li kʼusitik yakal tspas Jeova li avie, jech chkaltik kʼuchaʼal li jtsʼibajom yuʼun salmo ti xiʼe: «Mucʼul Dios, Dios cuʼun, toj ep xa li cʼusitic labalic sba laj apase; liʼ oy o avoʼnton ta jtojolcutic. Muʼyuc bochʼo yan coʼol jech chac cʼu chaʼal voʼot» (Sal. 40:5). Jtunestik lek li video sventa jkoltatik yan krixchanoetik yoʼ xichʼik ta mukʼ ta sjunul yoʼontonik Jeova xchiʼuk li s-organisasione.