¿Mi oy slistail yuʼunik kʼusi pelikulail, livroetik o sonetik stakʼ xchikintaik o sk’elik li stestigotak Jeovae?
Muʼyuk. Li j-organisasionkutike muʼyuk tskʼel kʼusi pelikulail o livroal stakʼ jkʼelkutik o sonetik ti stakʼ jchikintakutike. ¿Kʼu yuʼun?
Li Vivliae chal ti skʼan jna’kutik stʼujel «li kʼusi tukʼe xchiʼuk li kʼusi muʼyuk tukʼe» (Ebreos 5:14).
Li Vivliae yichʼoj beiltaseletik ti tskoltaunkutik ta stʼujel li kʼusi ta jchʼay-o koʼontonkutike.a Ta skotol li kʼusi ta jpaskutike ta xkak’ ta jkuxlejalkutik «li k’usi lek chil Kajvaltike» (Efesios 5:10).
a Jech kʼuchaʼal liʼe, li Vivliae spʼajoj li espiritismoe, li majbaile xchiʼuk li mulivajele, li buchʼutik jech tspasik taje muʼyuk lek ch-ilatik yuʼun Dios (Deuteronomio 18:10-13; Efesios 5:3; Kolosenses 3:8).
Li Diose jaʼ yakʼojbe ta sba li jolil ta utsʼ alalil sventa skʼel o xal li kʼusi stakʼ spasike (1 Korintios 11:3; Efesios 6:1-4). Pe li ta tsobobbaile muʼyuk buchʼu xuʼ xal ti chopol junuk pelikula, son xchiʼuk ti xal kʼusi chopol ta sventa li buchʼutik lek ojtikinbilik ta sba balumile (Galatas 6:5).