¿Mi chtunik ta misioneroal?

Tana. Skotol li stetigounkutik Jeovae, buyuk ti nakalunkutike chkakʼkutik persa ti jechuk jnopbenkutik kʼuchaʼal li buchʼutik chtunik ta misioneroale xchiʼuk ta jcholilanbekutik mantal krixchanoetik ta buyuk noʼox (Mateo 28:19, 20).

Jech xtok, jlom stestigotak Jeovae chbat xcholik mantal ta slumalik noʼox ti bu oy to ep krixchanoetik ti muʼyuk yaʼiojik li lekil aʼyej ta Vivliae, bakʼintike te chbatik ta naklej. Yantik xtoke batem tunikuk ta yantik lumetik. Skotolik taje xmuyubajik noʼox ti yakal tskolta sbaik sventa xkʼot ta pasel li albilkʼop laj yal Jesús liʼe: «Jech voʼoxuc chavalic batel [...] ta sbejel banamil li cʼusi laj avilic ta jventae» (Hechos 1:8).

Li ta 1943 te lik jun chanun sventa laj yichʼik chanubtasel jlom misioneroetik: li Chanob vun sventa Vivlia ta Galaad yuʼun Watchtower sbie. Oy-o li avi kʼakʼale, mas ta 8,000 stestigotak Jeova ayemik li ta chanun taje.