Oy ta avok akʼob li lekil beiltasele
«Laj yakʼ ta naʼel Dios skotol li tsʼibetike» (2 Timoteo 3:16). Kʼalal «laj yakʼ ta naʼel» xie, jaʼ skʼan xal, ti li Diose laj yakʼbe ta snopben krixchanoetik li skʼope sventa stsʼibaik li Vivliae.
Li Diose tskʼan ti xatabe sbalil li lekil beiltasel yuʼune
«Voʼon Jeovaun, [...] voʼon ta jchanubtasot sventa xatabe sbalil atuk, voʼon ta jbeiltasot batel ti bu beal skʼan xatam batele. ¡Oy ta koʼonton ti xatsʼet chikinta li jmantaltake! Vaʼun bi, li jun oʼontonal avuʼune chkʼot kʼuchaʼal jun ukʼum xchiʼuk li tukʼilal avuʼune chkʼot kʼuchaʼal li nab ti mu xpaj ta yukʼlajetele» (ISAIAS 48:17, 18).
Jaʼuk me voʼot chayalbot xavaʼi li Diose, yuʼun tskʼan ti junuk noʼox avoʼontone xchiʼuk ti xamuyubaj sbatel osile, jech xtok xuʼ skoltaot sventa jechuk xkʼot ta pasel.
Oy ta avok akʼob li lekil beiltasele
«Chichʼ cholel ta skotol jteklumetik li lekil aʼyejetike» (MARKOS 13:10).
Li lekil aʼyejetik taje jaʼ chalbe skʼoplal ti poʼot xa xakʼbe slajeb vokoliletik li Jeovae, ti tskʼatajes ta jun paraiso li balumile xchiʼuk ti chchaʼkuxesan li kutsʼ kalaltik xchiʼuk li kamigotaktik ti chamemike. Li stestigotak Jeovae chcholik li lekil aʼyejetik ta spʼejel balumile.