VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
tsotsil
ʼ
  • ʼ
  • VIVLIA
  • VUNETIK
  • TSOBAJELETIK
  • g21 Num. 2 paj. 4-6
  • Li selular, tavleta o komputadorae, ¿mi chata-o amelel amigo?

Muʼyuk svideoal.

Paso perton, mu stij li videoe.

  • Li selular, tavleta o komputadorae, ¿mi chata-o amelel amigo?
  • ¡Vikʼiluk me jsatik! 2021
  • Subtituloetik
  • Yan vunetik ti xkoʼolaje
  • LI KʼUSI SKʼAN XANAʼE
  • LI KʼUSI XUʼ XAPASE 
  • ¿Mi ta jtabe sbalil mi ta jtunes redes socialese?
    Li kʼusitik tsjakʼ kerem tsebetike
  • Li redes socialese | Sbavokʼal: ¿Mi xuʼ xa stunesik redes sociales li jkerem jtsebe?
    Koltael sventa utsʼ alaliletik
  • ¿Kʼusi xuʼ jpas mi mu xakʼik jtunes redes sociales li jtot jmeʼe?
    Li kʼusitik tsjakʼ kerem tsebetike
  • Li redes socialese | Xchaʼvokʼal: Chanubtaso avalab anichʼnab yoʼ lekuk stunesik li redes socialese
    Koltael sventa utsʼ alaliletik
Kʼelo kʼusitik yan
¡Vikʼiluk me jsatik! 2021
g21 Num. 2 paj. 4-6
Tsebetik yakal tskʼopon sbaik ta videollamada ti yamiga sbaik xchiʼuk ti jelajtik bu likemike.

Li selular, tavleta o komputadorae, ¿mi chata-o amelel amigo?

Ep buchʼutik nopem xaʼiik tstakbe sbaik mensaje ta selular, ta korreo elektroniko, tskʼopon sbaik ta videollamada, ta redes sociales akʼo mi ta yan to lum oyik. Skotol taje yilojik ti toj jtunele.

Pe li buchʼutik jaʼ mas tstunesik li selular, tavleta o komputadora sventa skʼopon yamigotakike xuʼ van snuptan svokolik kʼuchaʼal liʼe:

  • Mu xa stsak ta venta ti kʼu yelan chaʼi sba yamigotakike.

  • Muʼyuk kʼanbil chaʼiik.

  • Mas tsots skʼoplal chaʼi sba stukik. 

LI KʼUSI SKʼAN XANAʼE

Jun tseb tskʼel redes sociales ta akʼobaltik. Jaʼ to chile 723 mil buchʼutik xa skʼelojik li kʼusi smuyesoj ta Internete.

TI KʼU YELAN CHAʼI SBAE

Sventa jnaʼtik kʼu yelan chaʼi sba li yantike, skʼan jnoptik ti kʼu yelan oyik ta melele. Pe taje mu spas kuʼuntik mi jaʼ noʼox batem ta koʼontontik skʼelel kʼusitik ta redes sociales o ta stakel mensajeetike. 

Mi jaʼ xa mas chbat ta koʼontontik skʼelel jselulartik, jtavletatik o jkomputadoratike, jaʼ xa me mu masuk tsots skʼoplal chkiltik li kʼusi ta jtakʼbetik li kamigotaktike, yuʼun anil xa ta jtakʼbetik li smensajeike xchiʼuk muʼyuk xa ta jnoptik li kʼusi yakal tsnuptanike.

NOPO TA SVENTA LIʼE: Kʼalal chakʼopon avamigotak ta selular o ta yan kʼusie, ¿kʼuxi chavakʼ ta ilel ti chatsak ta venta ti kʼu yelan chaʼi sbaike? (1 PEDRO 3:8). 

MUʼYUK KʼANBIL CHAʼIIK 

Junantik sientifikoetike laj yakʼik venta ti ep buchʼutik chopol laj yaʼi sbaik kʼalal oy kʼusitik la skʼelik ta jun red social ti lek ojtikinbile. ¿Kʼu yuʼun ti jech laj yaʼi sbaike? Li sientifikoetike chalik ti muʼyuk la kʼusi labal sba chkaʼi jpasoj ta jkuxlejaltik kʼalal ta jkʼelbetik sfotoik o li kʼusitik chalik yantik li ta redes socialese.

Maʼuk noʼox taje, yuʼun kʼalal ta xkilbetik li sfotoik ti labal sba kʼusitik tspasike, xuʼ van ta jnoptik ti yakal tskʼupin li xkuxlejalike, pe li voʼotik une muʼyuk. 

NOPO TA SVENTA LIʼE: Kʼalal chakʼel li kʼusitik tsmuyes yantik li ta redes socialese, ¿kʼusi skʼan xapas sventa mu xakoʼoltas aba xchiʼukike? (GALATAS 6:4). 

TSOTS SKʼOPLAL CHAʼIIK

Jun maestrae laj yal ti ep yajchanuntake jaʼ xa noʼox tspasik li kʼusi lek chaʼi stukike xchiʼuk jaʼ noʼox chamigoinik li buchʼutik lek snaʼ xkoltavanik chilike.a Yuʼun li kʼusi mas tsots skʼoplal chaʼiike jaʼ ti xichʼik koltaele. Li buchʼu jech tspase xkoʼolaj xa ta jun aplikasion chil yamigotak ti jaʼ noʼox tsjam kʼalal chtun yuʼune. 

NOPO TA SVENTA LIʼE: Li kʼusi chamuyes ta Internete, ¿mi chakʼ ta ilel ti jaʼ noʼox oy ta avoʼonton chatsalvane o ti jaʼ mas tsots akʼoplal chavaʼi abae? (GALATAS 5:26). 

LI KʼUSI XUʼ XAPASE 

NOPO KʼU YELAN CHATUNES LI ASELULAR O YAN KʼUSIE 

Mi ta spʼisol noʼox chatunes li aselular, atavleta o akomputadorae, jtunel avuʼun sventa xakʼopon avamigotak xchiʼuk ti masuk to lek xavil aba xchiʼukike. 

BEILTASEL TA VIVLIA: «Li kʼanelale [...] maʼuk tsaʼ li kʼusi lek chaʼi stuke» (1 KORINTIOS 13:4, 5). 

Akʼbo senyail li kʼusi chakʼan chapase o tsʼibao mi oy kʼusi yan chakʼan chapase: 

  • Kʼalal ta jkʼopon li kamigotake, ta jkʼan te jchiʼukik maʼuk noʼox ta mensaje o ta korreo elektroniko.

  • Nom bu chkakʼ jtelefono o chkakʼ ta silencio kʼalal oy buchʼu ta jchiʼin ta loʼile.

  • Mu xa masuk chi-och li ta redes socialese.

  • Ta jkʼan ta jtsʼet chikinta li kʼusi chalbeikune.

  • Ta jkʼopon batel junuk kamigo ti oy kʼusi yakal tsnuptane.

a Te lokʼem ta livro En defensa de la conversación.

XI XAJAKʼBE ABAE: 

  • ¿Mi oy kamigotak ti oyikun ta yoʼontone xchiʼuk mi oyik ta koʼonton ek? 

  • ¿Jaykoj jtakʼoj ta anil jyamada o jmensaje kʼalal jaʼo ta jchiʼin ta loʼil junuk kamigoe? 

  • Li kʼusi ta jmuyes ta redes socialese, ¿mi chakʼ ta ilel ti jaʼ mas tsots jkʼoplal chkaʼi jbae? 

  • ¿Kʼu yelan chkaʼi jba yuʼun mi la jkʼel li redes socialese? 

  • ¿Kʼu yelan skʼan jtunes li jselular, jtavleta o jkomputadora yoʼ jta jlekil amigotake?

    BEILTASEL TA VIVLIA: «Oyuk-o me ta avoʼontonik li yantike, maʼuk noʼox me xanop akʼoplal atukik» (FILIPENSES 2:4).

Emily.

«Skʼan jchʼakbetik yorail xchiʼuk xkakʼ kipaltik sventa jta jlekil amigotike, jaʼ yuʼun junchib noʼox buchʼu xuʼ xkʼot ta kamigotik ta melele. Maʼuk tsots skʼoplal mi ep kamigotaktike, li kʼusi mas tsots skʼoplale jaʼ ti kamigotikuk ta melele, yuʼun oyikot ta yoʼonton xchiʼuk oyik ta avoʼonton ek». EMILY

    Vunetik ta tsotsil (2001-2025)
    Lokʼan
    Ochan
    • tsotsil
    • Tako batel
    • Ti kʼu yelan chak'ane
    • Copyright © 2025 Watch Tower Bible and Tract Society of Pennsylvania
    • Ti kʼutik yelan xuʼ xichʼ tunesele
    • Política de privacidad
    • Configuración de privacidad
    • JW.ORG
    • Ochan
    Tako batel