Ichʼo ta mukʼ li avutsʼ avalale
¿KʼU YUʼUN TSOTS SKʼOPLAL TI OYUK ICHʼBAIL TA MUKʼ LI TA UTSʼ ALALILE?
Kʼalal chichʼ sbaik ta mukʼ li ta jun utsʼ alalile, jun noʼox yoʼonton skotolik.
Li livro Siete reglas de oro para vivir en pareja chal ti kʼalal chichʼ sbaik ta mukʼ li malalil xchiʼuk li ajnilale, jaʼ jech chakʼbe sbaik ta ilel kʼanelal «akʼo mi ta jsetʼ juteb noʼox kʼusi tspasik o chakʼbe sbaik jujun kʼakʼal» (traducción de Sonia Tapia Sánchez).
Li buchʼutik lek xchanojbeik skʼoplale yakʼojik venta ti kʼalal snaʼ x-ichʼvanik ta mukʼ li alab nichʼnabiletike, mas lek chaʼi sbaik, lek xil sbaik xchiʼuk stot smeʼik xchiʼuk jun noʼox yoʼontonik.
LI KʼUSI XUʼ XAPASE
Loʼiltaik xchiʼuk avutsʼ avalal. Baʼyel, skʼan xavaʼibeik smelolal kʼusi smakoj li ichʼbail ta mukʼe. Xchibal, tsʼibaik li kʼusi xuʼ xapasik ta jujuntal li ta avutsʼ avalalike xchiʼuk li kʼusitik mu stakʼ xapasike. Yoxibal, loʼiltaik li kʼusi xuʼ xapasik sventa xavakʼbe abaik ta ilel ti chavichʼ abaik ta mukʼe.
Akʼo ta ilel. Teuk me ta ajol ti voʼot baʼyel skʼan xavakʼ ta ilel ti cha-ichʼvan ta mukʼe. Xuʼ van xi xajakʼbe abae: «¿Mi chopol van kʼusi chkal ta stojolal kutsʼ kalal kʼalal oy kʼusi chopol chkʼot ta pasel yuʼunike? ¿Mi chilabanvan kʼalal chal kʼusi tsnopike? Kʼalal chloʼilajike, ¿mi muʼyuk van ta jtsak ta venta o mi ta jtuchʼ ta be?».
Xuʼ xapas liʼe: Akʼo persa yichʼel ta mukʼ li avutsʼ avalale akʼo mi staik-o o muʼyuk.
Ichʼvanan me ta mukʼ akʼo mi mu koʼoluk li kʼusi chanopike. Akʼo persa ti mu xiuk xavale: «Yuʼun jechot-o. . .» o «Mu noʼox xajel. . .». Kʼalal jech nopem xkaʼi chkalbetik li kutsʼ kalaltike, ta jsabetik skapemal sjol xchiʼuk xuʼ stsatsaj-o yuʼun jkʼoptik.
¿KʼUSI TA JPASKUTIK LI STESTIGOUNKUTIK JEOVAE?
Li stestigounkutik Jeovae ta jtijbekutik yoʼonton yantik sventa xichʼ sbaik ta mukʼ li ta yutsʼ yalalike. Jaʼ yuʼun, nopajtik noʼox chkalbekutik skʼoplal ta mantaletik, ta livroetik, foyetoetik xchiʼuk li ta videoetik ta jlokʼeskutike. Buchʼuuk noʼox xuʼ skʼel ta moton.
SVENTA NUPULTSʼAKALETIK: Li ta mantaletik lokʼem «Koltael sventa utsʼ alaliletik» jtunel tajek yuʼunik li malaliletik xchiʼuk ajnilaletik sventa. . .
. . . xchikintabe sbaik.
. . . mu jaʼuk noʼox spas li kʼusi tskʼan stuke.
. . . mu xa xut sbaik.
(Ochan ta jw.org xchiʼuk tsʼibao li ta saʼobil «Koltael sventa utsʼ alaliletik»).
SVENTA TOTIL MEʼILETIK: Li mantaletik lokʼem ta «Koltael sventa utsʼ alaliletik» jtunel tajek yuʼun li totil meʼiletik yoʼ skolta yalab xnichʼnabik sventa. . .
. . . xchʼunik mantal.
. . . xkoltavanik ta na.
. . . snaʼuk stojik ta vokol.
(Ochan li ta jw.org xchiʼuk tsʼibao li ta saʼobil «Xchanubtasel kalab jnichʼnabtik» o «Chex jchʼieletik»).
Xuʼ xakʼel li revista ¡Vikʼiluk me jsatik! numero 2 ta 2019, «Vaktos chanubtasel sventa li alab nichʼnabile» xchiʼuk li revista ¡Vikʼiluk me jsatik! numero 2 ta 2018, «¿Kʼuxi xuʼ xamuyubaj ta avutsʼ avalal?», paj. 8 kʼalal ta 11. (Xuʼ xasaʼ ta jw.org li revistaetike).
SVENTA KEREM TSEBETIK: Li jvokʼ bu chal «Kerem tsebetik» li ta jw.org oy mantaletik, videoetik xchiʼuk yan kʼusitik ti xuʼ xkoltaatik li kerem tsebetik sventa. . .
. . . lekuk xil sbaik xchiʼuk stot smeʼik xchiʼuk li xchiʼiltak ta vokʼele.
. . . ta slekiluk yoʼonton skʼopon li stot smeʼik ta sventa li mantaletik akʼbilike.
. . . spat yoʼonton stot smeʼik ti chchʼunik onoʼox mantale.
(Ochan li ta jw.org xchiʼuk tsʼibao li ta saʼobil «Kerem tsebetik»).
Sventa xatunes li pajina jw.org, muʼyuk bu chatoj xchiʼuk muʼyuk bu chatsak abi. Jech xtok, muʼyuk chavakʼ anumero, adireksion o yan kʼusitik.