Tuneso jw.org sventa xata lekil tojobtaseletik

Li Skʼop Diose chak’butik skotol li kʼusi chtun kuʼuntik sventa xkuch batel kuʼuntik li k’usi ta jnuptantik ta slajebal kʼakʼale (2Ti 3:1, 16, 17). Pe bakʼintike chtun kuʼuntik beiltaseletik xchiʼuk tojobtaseletik sventa li kʼusi ta jnuptantike. Jech kʼuchaʼal liʼe, ¿mi chakʼan koltael sventa xanaʼ kʼuxi chatsʼites li avalab anichʼnabe? ¿Mi yakal chavul avoʼonton ta skoj ti cham anup achiʼile? Mi kerem tsebot toe, ¿mi yakal chichʼ akʼel ta preva li xchʼunel avoʼontone? Mi jaʼ jech yakal chkʼot ta atojolale o mi oy kʼusi yan chanuptane, li ta jw.org chata mantaletik ti yichʼoj talel beiltaseletik ta Vivlia ti xuʼ skoltaote (Pr 2:3-6).

Ochan li ta jpajinatik ta jw.org, vaʼun batan ti bu chal: «Chanubtaseletik ta Vivlia», laje tʼujo li kʼusi chakʼan chakʼele (lokʼol 1). O batan ti bu chal: «Vunetik xchiʼuk yan kʼusitik», laje ti bu chal: «Jeltos mantaletik», vaʼun tʼujo li kʼusi chakʼan chakʼele (lokʼol 2). Jaʼ jech xuʼ xata li ta JW Library^® eke.a ¿Kʼu yuʼun mu xakʼel li mantaletik te taleme? Yan kʼusi stakʼ xapas xtoke jaʼ ti xatsʼiba li kʼusi chakʼan chakʼelbe skʼoplal ti bu oy li lupa o saʼobil ta jw.org.

Tsʼibao ta saʼobil li kʼusitik liʼ taleme, vaʼun liʼ xatsʼiba li mantaletik chakʼan chachane:

• Xchanubtasel kalab jnichʼnabtik

• Koltael sventa kerem tsebetik

• Kʼalal chcham jnup jchiʼiltike