Jtunel yuʼun skotol krixchanoetik li jpajinatik ta Internete
Li Jesuse laj yal ti akʼo «xichʼ cholel ti sjoylejal balumil ti lequil achʼ cʼope [...] yuʼun acʼo yaʼyic scotol crixchanoetic» ta sventa li Ajvalilal yuʼun Diose (Mat. 24:14, Jaʼ ti Achʼ Testamentoe, ta skʼop Huixtán). Ta skoj taje laj xa yichʼ tsobel ta jun yavil li kʼusitik oy toʼox kuʼuntik ta Internet ta watchtower.org, ta jw-media.org xchiʼuk ta jw.org sventa spas lek kuʼuntik li kabteltik kichʼojtike (2 Tim. 4:5). Li jpajinatik ta tsotsile jaʼ jw.org/tzo.
Ta «sjoylejal balumil». Jutuk xa mu skotoluk krixchanoetik tstunesik Internet. Jaʼ xa mas te tsaʼik li kʼusitik xuʼ xchanike, mas to jech tspasik li chex kerem tsebetike. Li ta jpajinatik taje oy te stakʼobil kʼusitik tsjakʼik ta sventa Vivlia li krixchanoetike. Xuʼ jaʼ te xojtikinik li s-organisasion Jeovae xchiʼuk jaʼ mas xa kʼun xuʼ stakik ta kʼanel jun matanal chanubtasel ta Vivlia. Ta skoj taje, li lekil aʼyejetike xuʼ xkʼot ta stojolal li krixchanoetik ta spʼejel Balumil ti nom to bu nakalike, ti xuʼ van toj vokol chkʼot te li Skʼop Diose.
«Scotol crixchanoetic». Sventa xichʼ cholbel mantal «scotol crixchanoeti[ke]» skʼan oyuk ta epal kʼopetik li melel chanubtasel ta Vivliae. Jaʼ yuʼun li ta jpajinatike xuʼ jtatik ep kʼusitik ta sventa Dios ta jutuk mu 400 kʼopetik, mi junuk pajina jech yelan taje.
Tabo sbalil. Li jpajinatik jw.org maʼuk noʼox laj yichʼ pasel sventa li yan krixchanoetike, moʼoj, laj yichʼ pasel sventa xtun yuʼunik ek li yajrextikotak Jeovae. Mi oy xatunes Internete, ta jtijkutik avoʼonton sventa xakʼel li kʼusitik oy ta jw.org. Li avie chichʼ alel batel kʼuxi xuʼ jtabetik sbalil li abtejebal ti jtunel tajeke.
[Lokʼol ta pajina 3]
Paso kik
1 Tsʼibao www.jw.org/tzo ti bu skʼan x-och sbi li pajina ta Internete.
2 Sventa xakʼel li kʼusitik oye, akʼbo klik li ta jujuvokʼ kʼusitik ta menú xchiʼuk li ta vinkuloetike. (Jlome muʼyuk to ta tsotsil. Sventa xakʼel skotole ochan li ta pajina jw.org/es.)
3 Ochan ta pajina jw.org li ta aselular o yan kʼusi ti stsak Internete. Mu kʼusi chjel, jaʼ noʼoxe, jech smukʼul chvinaj kʼuchaʼal smukʼul spantayail li kʼusi chatunese.