Jtunel sventa xchanel Vivlia ta jtuktik xchiʼuk ta kutsʼ kalaltik li jpajinatik ta Internete

Kʼelo ta Internet li revistaetik mas achʼike. Kʼalal skʼan toʼox jayibuk xemana xkʼot ta tsobobbail li revista ¡Despertad! xchiʼuk Li Jkʼel osil ta toyole, kʼelo ta Internet. Ta español xchiʼuk yan kʼopetike pasbil gravar sventa xachikinta. (Akʼbo klik ta «Vunetik xchiʼuk yan kʼusitik», ta tsʼakale ta «Revistaetik».)

Kʼelo li mantaletik ti jaʼ noʼox chlokʼ ta Internete. Jlom mantaletik ti chlokʼ toʼox ta tsotsil jech kʼuchaʼal li «Sventa kerem tsebetik» xchiʼuk «Kʼusitik chlik jchan ta Vivlia» xchiʼuk li «Actividades para la familia» xchiʼuk «Los jóvenes preguntan» jaʼ xa noʼox chlokʼ ta Internet ta junantik kʼopetik. Chano jlom mantaletik sventa li xchanel Vivlia ta jtuktik xchiʼuk li ta yichʼel ta mukʼ Jeova ta kutsʼ kalaltike. (Akʼbo klik ta «Enseñanzas bíblicas», ta tsʼakale ta «Niños» o ta «Enseñanzas bíblicas», ta tsʼakale ta «Jóvenes».)

Kʼelo li kʼusitik chkʼotanuk ta pasel ta steklumal Jeovae. Tabo sbalil li yaʼyejal kʼusitik kʼotemik ta pasele xchiʼuk li sloʼil kuxlejaletike xchiʼuk kʼelo videoetik ti chakʼ iluk ti yakal chchʼi li steklumal Jeova ta spʼejel Balumile. Te chata aʼyejetik sventa nikel, nojelal ta voʼ o yan kʼusitik o li kʼusi chakʼ kʼotuk ta pasel li kontrainele, taje jaʼ chkoltavan sventa jtatik ta alel ta j-orasiontik li ermanoetik ti chil svokolike (Sant. 5:16). Taje oy ta español xchiʼuk ta yan kʼopetik. (Akʼbo klik ta «Noticias».)

Tuneso li vivlioteka ta Internete. Mi oy ta akʼop taje xuʼ xajam ta akomputadora, aselular o yan kʼusitik ti stsak Internet venta xakʼel li teksto sventa jujun kʼakʼale xchiʼuk sventa xachanbe skʼoplal jtosuk kʼusi li ta vunetik ti mas achʼik toe. (Akʼbo klik ta «Vunetik xchiʼuk yan kʼusitik», ta tsʼakale ta «Vivlioteka ta Internet» o tsʼibao www.wol.jw.org ti bu skʼan x-och sbi li pajina ta Internete.)

[Lokʼol ta pajina 4]

Paso kik

1 Mi laj avakʼbe klik li ta divujoe o li ta «Descárgala» xie, chlokʼ tal ta PDF li mantale. Paso imprimir, vaʼun tuneso xchiʼuk avalab anichʼnabik.

2 Sventa xakʼel junuk videoe akʼbo klik ta: ▶