Bu xuʼ jtatik ta anil vunetik ta yantik kʼop

¿Mi oy ataoj krixchanoetik ti tskʼan chchanik jvuntik ta skʼop stukike, pe ti muʼyuk li ta atsobobbaile? ¿Mi anaʼoj ti xuʼ xa pas imprimir ta jutuk mu chanib sien kʼopetik li vunetik lokʼem ta Vivliae? Jaʼ noʼox skʼan xa saʼ bu oy Internet xchiʼuk junuk impresora. Vaʼun xi xa pas batele:

• Batan ta www.watchtower.org/s, li ta jpajinatik ta Internete.

• Li ta akʼol ta jbatsʼikʼobtike te cholol talel junantik kʼusitik kʼopal oy. Te xavakʼbe klik yoʼ bu slokʼol Balumil mi cha kʼan cha kʼel skotol li kʼusitik kʼopal oye.

• Akʼbo klik li bu kʼopal cha saʼe. Te chlokʼ talel jun pajina ti bu chakʼ iluk kʼusitik vunal stakʼ pasel imprimire, jech kʼuchaʼal tratadoetik, foyetoetik xchiʼuk yan vunetik. Vuleso me ta ajol ti pajina chlokʼ tale jaʼ jech chlokʼ talel li ta kʼusi kʼopal la tʼuje, jech oxal mu xavat avoʼonton mi mu xavaʼibe smelolal li sbitak vunetike.

• Akʼbo klik ta buyuk junukal, vaʼun te chlokʼ talel stuk ta pantaya li vune. Sventa cha pas imprimire, akʼbo klik li bu sventa chichʼ pasel imprimir vunetike, ti te xvinaj li ta spantayail komputadorae.

Li vunetik te chvinaje, jaʼ noʼox jun-chib li kʼusitik oye; mi cha kʼan to yan vunetike xuʼ xa tak ta kʼanel ta tsobobbail. Jech, yuʼun kʼalal mi kʼot xaʼox ta yoʼonton mantal li krixchanoe, jaʼ lek ti xa tak ta kʼanel yan vunetik ta stojolal li ermanoetik ti oy ta sbaik skʼanel vunetik ta atsobobbaile.