Jtunel ta cholmantal li jpajinatik ta Internete

Albo yantik sventa x-ochik li ta jpajinatike. Xuʼ van junantik krixchanoetike mu skʼan xchikintaik o mu skʼan stsakik li vunetik chkiktabetike. Pe xuʼ van kʼalal stuk oy ta snaike tstunesik li pajina jw.org sventa tsnaʼik li kʼusitik ta sventa yajrextikotak Jeovae. Jaʼ yuʼun, mi stakʼ chavile albo ti akʼo x-ochik ta jpajinatik li buchʼutik chacholbe mantale.

Tuneso sventa xatakʼ li kʼusi tsjakʼike. Kʼalaluk tskʼan tsjakʼik ta sventa yajrextikotak Jeova li krixchanoetike akʼbo yil stakʼobil ta komputadora, ta selular o yan kʼusi ti stsak Internete. Melel onoʼox ti jaʼ mas lek ti jkʼelbetik ta Vivlia li tekstoetike. Pe mi jaʼo mu stsak Internet li bu oyote, albo ti xuʼ saʼ ta jw.org. Taje oy ta español xchiʼuk ta yan kʼopetik. (Akʼbo klik ta «Enseñanzas bíblicas», ta tsʼakale ta «Preguntas sobre la Biblia» o ta «Sobre nosotros», ta tsʼakale ta «Preguntas frecuentes».)

Takbo echʼel buchʼu xavojtikin jvokʼuk mantal o jlikuk vun o yan kʼusitik. Xuʼ xatak batel ta koreo elektroniko skotol li kʼusitik ayalesoj ta PDF o ta EPUB. Jech xtok, jlom vunetik xchiʼuk yan kʼusitik ti pasbil gravare, xuʼ xayales xchiʼuk xuʼ xapas gravar ta jun CD. Li vunetik chichʼ takel batel, jech kʼuchaʼal li livroetik, revista xchiʼuk foyetoetike, xuʼ jtsaktik li ta j-informetik sventa cholmantal mi muʼyuk yichʼoj voʼ li buchʼu ta jtakbetik batele xchiʼuk mi lek tsʼakal li kʼusi ta jtakbetik batele. Kʼalal chatak batele skʼan xatikʼ batel abi xchiʼuk skʼan mu epuk kʼusitik xatak batel. Jech xtok, mu stakʼ xamuyes ta yan pajina ta Internet. (Akʼbo klik ta «Vunetik xchiʼuk yan kʼusitik».)

Akʼo iluk li kʼusitik chkʼotanuk ta pasel ta steklumal Jeovae. Taje jaʼ tskolta li buchʼutik chichʼik chanubtasel ta Vivliae xchiʼuk li buchʼutik chichʼik chaʼvulaʼanel sventa xakʼik venta bu to kʼalal chkʼot li cholmantale xchiʼuk ti oyuk sbalil chilik ti lek koʼol koʼontontike (Sal. 133:1). Taje oy ta español xchiʼuk ta yan kʼopetik. (Akʼbo klik ta «Noticias».)

[Lokʼol ta pajina 5]

Paso kik

1 Tʼujo jvokʼuk mantal yoʼ bu chal «Vunetik xchiʼuk yan kʼusitik», mi laje tʼujo kʼusi junukal formato chakʼan chayales, mi sventa chakʼel o sventa chavaʼi, vaʼun akʼbo klik.

2 Mi laj avakʼbe klik li ta «MP3», te chlokʼ talel sbi li mantaletike. Sventa xayales jtosuke, akʼbo klik yoʼ bu chal sbi li mantale o mi te noʼox chachikintae akʼbo klik ti bu xvinaj li lokʼol liʼe: ▸

3 Mi chakʼan chayales vunetik o yan kʼusitik ta yan kʼope, saʼo li ta lista liʼe.