Jtunel sventa jkoltatik buchʼu yan-o skʼopik li jpajinatik ta Internete

Akʼbo yil li jpajinatike. Koltao ta saʼel li skʼop ti bu chal «Saʼo kʼusi kʼopal» xie. (Oy kʼopetik ti mu xichʼ tael skotol li kʼusitike.)

Akʼbo yil li kʼusi oy ta skʼope. Li ta jpajinatike oy epal vunetik, jech kʼuchaʼal li livro Chchanubtasvan o li tratado Li kʼusi melele ti xuʼ te noʼox xichʼ kʼelel ta Internete. Akʼbo klik li vun taje, vaʼun yoʼ bu chal «Kʼelo ta» xie tʼujo kʼusi skʼop li krixchanoe.

Akʼbo yaʼi junuk mantal ti oy ta skʼope. Sabo jun vun ti pasbil gravar sventa xavakʼbe yaʼi jtuchʼuke. Mi yakal chachan yan kʼope jaʼ tskoltaot mi chachikinta jtosuk kʼusi pasbil gravar xchiʼuk mi chakʼel batel xtoke. (Akʼbo klik ta «Vunetik xchiʼuk yan kʼusitik», ta tsʼakale ta «Livroetik xchiʼuk foyetoetik» o ta «Vunetik xchiʼuk yan kʼusitik», ta tsʼakale ta «Revistaetik».)

Cholbo mantal li buchʼutik makal xchikine. Mi la ata junuk krixchano ti makal xchikine akʼbo yil ta video junuk skapituloal Vivlia, livro, foyeto o junuk tratado li ta senya kʼop snaʼe. (Akʼbo klik ta «Vunetik xchiʼuk yan kʼusitik», ta tsʼakale ta «Senya kʼop».)

[Lokʼol ta pajina 6]

Paso kik

1 Akʼbo klik ta ▸ sventa xachikinta li kʼusi pasbil gravare (mi oy ta akʼope), o netʼo bu junukal formato chakʼan chayales li ta yolon bu chal «Kʼusitik formatoil xuʼ xayales» xie.

2 Sventa xakʼel junuk pajina ta yan kʼope, tʼujo yoʼ bu chal «Kʼelo ta».

3 Akʼbo klik ta «Yan mantal» o ta junuk sbi li mantal yoʼ bu chal «Saʼobil» sventa xakʼel yan mantal o yan kapitulo.