¿Mi yakalot xa stunesel li JW Library?

Li JW Library jaʼ jun programa ti ta moton xuʼ xichʼ yalesel ta selular, tavleta o ta komputadorae, vaʼun xuʼ te xayales li Vivliae xchiʼuk yan vunetik, videoetik xchiʼuk li kʼusitik stakʼ chikintaele.

KʼUXI XUʼ JTATIK: Ochan ta Internet vaʼun yaleso xchiʼuk paso instalar li JW Library ti xuʼ te xata ti bu chal tienda xie. Li aplikasion taje xuʼ xayales ta aselular o ta yan kʼusitik. Kʼalal mi la och ta Internete, jamo li aplikasione vaʼun yaleso li kʼusi chakʼan chayales li ta aselulare o li ta yan kʼusitike. Mi muʼyuk avuʼun li Internete, jaʼo xa och kʼalal te oyot ta Salon sventa Tsobobbaile, ta vivlioteka o ta junuk yuchʼobil kafe. Kʼalal mi ayalesoj xa ox li vunetik o yan kʼusitike, mu xa persauk ochemot li ta Internete. Ta skoj ti oy kʼusitik chichʼ achʼubtasel li ta aplikasione, nopoltik noʼox me skʼan xayales li kʼusitik laj yichʼ achʼubtasele, taje jaʼ noʼox mi oy xae.

KʼU YUʼUN SKʼAN OYUK KUʼUNTIK: Li JW Library toj tunel sventa jchan Jvivlia jtuktik xchiʼuk sventa jtsobajeltik. Toj tunel xtok kʼalal ta jcholtik mantal ta buyuk noʼoxe.