Li kʼutik yelan xuʼ xichʼ tunesel li JW Library

SVENTA CHIJCHANUNAJ:

• Kʼelo li Vivliae xchiʼuk li teksto sventa jujun kʼakʼale.

• Kʼelo li Anuario, li revistaetike xchiʼuk yantik vunetik. Tuneso li bu chal «Marcadores».

• Chano li kʼusitik chichʼ chanel li ta tsobajeletike xchiʼuk paso markar li stakʼobiltake.

• Kʼelo li videoetike.

LI TA TSOBAJELETIKE:

• Saʼo li tekstoetik ti chal li buchʼu chetʼes mantale. Tuneso li bu chal «Historial» sventa tsut akʼel yan velta li kʼusi akʼeloj xa onoʼoxe.

• Sventa mu xavichʼ batel epal livroetike, tuneso li JW Library ta sventa li kʼusitik chtun ta tsobajele xchiʼuk yoʼ xakʼejine. Li ta aplikasione yichʼoj xa tal li achʼ kʼejojetik ti chʼabal to li ta svunal kʼejoje.

LI TA CHOLMANTALE:

• Mi ata junuk krixchano ti oy ta yoʼonton mantale oyuk kʼusi xavakʼbe yil li ta JW Library xchiʼuk koltao ta syalesel li aplikasion xchiʼuk junantik vunetik li ta selular o ta yan kʼusitike.

• Tuneso li bu chal «Buscar» sventa xata noʼox ta anil junuk teksto ta Vivlia mi latsʼiba jpʼeluk o jaypʼeluk kʼop ti tsots skʼoplale.

• Akʼo ta ilel junuk video. Mi oy yalab xnichʼnab li krixchanoe xuʼ xavakʼbe yil junuk li video Paso ta avamigo li Jeovae. Xuʼ xavakʼbe yil xtok li video ¿Kʼu yuʼun skʼan jchantik li Vivliae? sventa jtijbetik yoʼonton ta xchʼamel junuk estudio. Mi yan-o kʼop chkʼopoje, sabo junuk video ta skʼop.

• Oyuk buchʼu xavakʼbe yil junuk versikulo ta Vivlia ta yan-o kʼop ti ayalesoj xa onoʼoxe. Saʼo li versikuloe, akʼbo klik li ta numeroe ta tsʼakale li ta kʼusitik kʼopal ayalesoje.