1 Xchanobil

Kʼuxi xuʼ xa naʼ li kʼusi tskʼan ti Diose

¿Kʼusi aʼyej tsots skʼoplal yichʼoj li Vivliae? (1)

¿Ta buchʼu likem tal li Vivliae? (2)

¿Kʼu yuʼun skʼan xa chan li Vivliae? (3)

1. Li Vivliae jaʼ jun mukʼta matanal yuʼun Dios. Jaʼ xkoʼolaj kʼuchaʼal tsʼibabil vun yuʼun jun jkʼanvanej totil ti ta xakʼbe xnichʼnabtak. Ta xalbutik li melel ta sventa Dios: buchʼu jaʼ xchiʼuk kʼusitik li smantaltake. Ta xal kʼuxi ta chapanel kʼopetik xchiʼuk kʼuxi ta tael li melel muyubajele. Jaʼ noʼox li Vivlia ta xalbutik li kʼusi skʼan ta jpastik sventa ta jlekubtasbetik yoʼonton ti Diose (Salmo 1:1-3; Isaías 48:17, 18).

2. Li Vivliae la stsʼibaik te van chaʼvinik viniketik ti jalij mil seisientos jabiletik ti lik ta 1513 kʼ.m.JKʼ. (kʼalal maʼuk toʼox jkʼakʼaliltike). Yichʼoj 66 bikʼtal livroetik. Dios la jyakʼbe snaʼ li jtsʼibajometik li snopbenal Yuʼune, maʼuk la stsʼibaik li kʼusi la snop stukike. Jaʼ yuʼun, li Vivliae likem tal ta stojolal Dios ta vinajel, maʼuk ta krixchanoetik (2 Timoteo 3:16, 17; 2 Pedro 1:20, 21).

3. Dios la xchabi ti akʼo lek tukʼ xichʼ lokʼtael xchiʼuk ti akʼo mu xchʼay li kʼusi chal li Vivliae. Yichʼoj pasel epal livroetik, pe li Vivliae jaʼ toj echʼem ep pasbil. Mu skotolikuk xmuyubajik ti cha chan li Vivliae, pe mu xa vakʼ aba ta pajtsanel. Yuʼun xuʼ cha kuxi sbatel osil, jaʼ noʼox mi cha vojtikin ti Diose xchiʼuk mi cha pas li kʼusi tskʼane, manchuk mi oy ilbajinel (Mateo 5:10-12; Juan 17:3).