Li majia xchiʼuk akʼ chamele jaʼ chopolik

Satanas tskʼan cha pas li majiae. Ep buchʼutik chakʼbeik matanal yanimaik xchiʼuk li espirituetik sventa mu x-akʼbat svokolik. Tspasik jech jaʼ ti chiʼik ta skoj li slumal espirituetike. Li krixchanoetik leʼe tstunik xoj sniʼ skʼobik xchiʼuk natsʼil kʼobiletik ta majia. Chuchʼik xchiʼuk tsjaxbe sbaik ta sbekʼtalik “poxiletik” ti chchʼunik oy sjuʼel ta majia. Junantike oy kʼusi tsnakʼik ta yut snaik, oy krixchanoetik tsmukik kʼusitik chchʼunik ti oy sjuʼel, sventa chchabiatik. Yantike tstunik “poxiletik” ta majia yuʼun chchʼunik ti chkoltaatik ta yabtelik, ta sprevaik ta chanob vun xchiʼuk ta lekombail.

Li toj lek cha chabi aba ta Satanase jaʼ ti cha vamikoin ti Jeovae. Jeova Dios xchiʼuk s-anjeltak jaʼ toj echʼem tsots sjuʼelik, li Satanas xchiʼuk spukujtake, moʼoj (Santiago 2:19; Apocalipsis 12:9). Jeova tskʼan tstun ta skotol yoʼonton li sjuʼel ta sventa li yamikotake, jaʼik ti buchʼutik jun noʼox yoʼontonik ta stojole (2 Crónicas 16:9).

Li skʼop Diose ta xal: “Mu stakʼ xa pasik li majia”. Jeova tspʼaj li majia xchiʼuk li akʼ chamele, yuʼun buchʼutik tspasik liʼe xuʼ chpʼajik ta sjuʼel ti Satanas li Yavloe (Levítico 19:26, NM).